Shoaib Akhtar | दोन मुलांनंतर शोएब अख्तर याला कन्या रत्न, भावूक पोस्ट करत म्हणाला…

मुंबई | 2 मार्च 2024 : पाकिस्तानचा माजी वेगवान गोलंदाज शोएब अख्तर (Shoaib Akhtar) वायाच्या 48 व्या वर्षी तिसऱ्यांदा बाप झाला आहे. दोन मुलांच्या जन्मानंतर शोएब याच्या घरात चिमुकलीचं स्वागत झालं आहे. शोएबची पत्नी रुबाब खान हिने 1 मार्च रोजी गोंडस मुलीला जन्म दिला आहे. सांगायचं झालं तर, 2014 मध्ये शोएब अख्तर आणि रुबाब खान यांनी लग्न केलं. लग्नाच्या 10 वर्षांनंतर शोएब अख्तर आणि रुबाब खान यांच्या आयुष्यात मुलीची एन्ट्री झाली आहे.

शोएब याने लेकीचा फोटो सोशल मीडियावर पोस्ट करत भावना व्यक्त केल्या आहेत. शिवाय शोएबने लेकीच्या नावाची देखील घोषणा केली आहे. शोएब अख्तर याने त्याच्या लेकीचं नाव नूरेह अली अख्तर असं ठेवलं आहे. लेक नूरेह हिचा गोंडस फोटो पोस्ट करत शोएबने ‘अल्लाह तालाने आम्हाला एका मुलीचा आशीर्वाद दिला आहे…’

शोएब अख्तर म्हणाला, ‘मिकायल आणि मुजद्दिद यांची आता एक बहीण आहे. अल्लाह तालाने आम्हाला एका मुलीचा आशीर्वाद दिला आहे. आम्ही नूरेह अली अख्तर हिचं स्वागत करत आहोत. जी जुम्मा नमाजीच्या वेळी जन्माला आली. 1 मार्च, 2024 रोजी जन्म झाला.’ सध्या सोशल मीडियावर शोएब याच्या पोस्टची चर्चा रंगली आहे.

मुलीच्या जन्मानंतर फक्त चाहते नाही तर, सेलिब्रिटी देखील शोएब याच्यावर शुभेच्छांचा वर्षाव केला आहे. सांगायचं झाल तर, शोएब आणि रुबाब यांना दोम मुलं आहे. त्यांच्या पहिल्या मुलाचं नाव मोहम्मद मिकाइल अली आणि दुसऱ्या मुलाचं मोहम्मद मुजद्दिद अली असं आहे.

शोएब आणि रुबाब यांनी 2014 मध्ये लग्न केलं. लग्नानंतर 2016 मध्ये शोएब आणि रुबाब यांनी मोठा मुलगा मोहम्मद मिकाइल अली याला जन्म दिला. त्यानंतर 2019 मध्ये दोघांनी दुसरा मुलगा मोहम्मद मुजद्दिद अली याला जन्म दिला. लग्नाच्या 10 वर्षांनंतर आणि दोन मुलांच्या जन्मानंतर शोएब अख्तर याने लेकीचं स्वागत केलं आहे.