Tokyo Olympics 2021: निराशाजनक! भारताची स्टार टेनिसपटू सानिया मिर्झा, अंकिता रैना पराभूत, पहिल्याच फेरीत पराभवाने स्पर्धेबाहेर
टेनिस महिला डबल्स स्पर्धेत भारताला पहिल्या डावातच पराभवाचा सामना करावा लागला आहे. भारताची टेनिसपटू सानिया मिर्झा आणि अंकिता रैना यांच्या निराशाजनक प्रदर्शनामुळे त्या पहिल्या सामन्यातच स्पर्धेबाहेर गेल्या आहेत.
Tokyo Olympics 20-2021 : टोक्यो ओलिम्पिकमध्ये (Tokyo Olympics) भारताला पदक जिंकवून देण्यासाठी एक प्रबळ दावेदार असणारी टेनिस स्टार सानिया मिर्झा (Sania Mirza) ही अंकिता रैनासोबत (Ankita Raina) मिळून महिला डबल्सच्या पहिल्याच फेरीत पराभूत झाली आहे. भारताच्या या जोडीला टेनिस (Tennis) खेळाच्या महिला डबल्समध्ये युक्रेनच्या (Ukraine) महिला जोडीने दारुण पराभूत केले.
सानिया आणि अंकिता यांनी सामन्याची सुरुवात जोरदार केली. दोघींनी पहिला सेट 6-0 च्या फरकाने जिंकला. पण त्यानंतर पुढील दोन सेट गमावले. पहिला सेट जिंकणारी ही जोडी दुसऱ्या आणि तिसऱ्या सेटमध्ये 6-7(0) 8-10 च्या फरकाने पराभूत झाली. ज्यामुळे महिला डबल्समधील पहिल्या फेरीतील सामना 6-0, 6-7(0), 8-10 च्या फरकाने भारताच्या हातातून गेला.
Tennis doubles, 1st round at #TokyoOlympics: Sania Mirza (in file photo) and Ankita Raina lose to Ukraine’s Nadiia Kichenok and Liudmyla pic.twitter.com/cbh1zHvdnW
— ANI (@ANI) July 25, 2021
सिंधूची विजयी सुरुवात
इकडे भारताची एक स्टार महिला खेळाडू पहिल्या सामन्यातच पराभूत झाली असली तरी दुसरीकडे महिला बॅडमिंटनच्या एकेरीमध्ये पीव्ही सिंधूने (PV Sindhu) मात्र विजयाने टोक्यो ऑलिम्पिकची सुरुवात केली आहे. तिने ग्रुप J मध्ये महिला एकेरीच्या सामन्यात इस्रायलच्या खेळाडूला मात दिली. सिंधूने हा सामना 21-7, 21-10 च्या फरकाने सहज जिंकत विजय मिळवला. सिंधू आता महिला एकेरीच्या दुसऱ्या फेरीत पोहोचली आहे.
हे ही वाचा :
Tokyo Olympics 2021: शानदार! अवघ्या 28 मिनिटात सिंधू विजयी, सलामीच्या सामन्यात विजयाने सुरुवात
(Indian Tennis Star Sania Mirza and Ankita Raina Lost in Womens doubles First Round at tokyo Olympics)
