Tokyo Olympics 2020 Live : मनमोहक कार्यक्रमानंतर मार्च पास्टला सुरुवात, मास्क घालून खेळाडू मैदानात

सहा खेळाडूंनी ऑलिम्पिकचा ध्वज स्टेडियमवर आणला आहे. या सहा खेळाडूंमध्ये जपानची मोमोता केंटो, ऑस्ट्रेलियाची एलेना गॅलियाव्होविच, शरणार्थी टीमची सायरिले टचाटेचेट, अमेरिकेची पाउलो पारेटो, आफ्रिकेची मेहेदी इसादीक आणि इटलीची पाउलो ओगेची इगोनी यांचा समावेश आहे.

टोंगा देशाचा संघ जेव्हा मैदानात अवतरला तेव्हा त्यांचा खेळाडू पीता ताफुतोफुआचा पोशाख बघून सर्वचजण चकित झाले. त्याने देशाचा एक पारंपरिक पोशाख घातला होता. पीता हा टोंगाचा त्वाइक्वांदो खेळाडू आहे.

हेंडा जाजा हिने ऑलिम्पिक उद्घाटनात  अहमद साबेर हमचोसोबत सायरियन अरब रिपब्लिकसाठी ध्वजवाहक म्हणून  भूमिका पार पाडली. विशेष म्हणजे हेंडा जाजा ही केवळ 12 वर्षांची असून ती टेबल टेनिस खेळाडू आहे. ती आयुष्यातील पहिली ऑलम्पिक स्पर्धा खेळणार आहे.

यंदा ऑलम्पिक इतिहासात दुसऱ्यांदा रेफ्यूजी संघही भाग घेत आहे. या संघात वेगवेगळ्या देशातील खेळाडू असतात. हे सर्वजण ऑलिम्पिक खेळांचा झेंडा घेऊन मार्च पास्ट करतात. याआधी रियो ऑलिम्पिक, 2016 मध्ये रेफ्यूजी टीमने सहभाग घेतला होता.

भारतासह बऱ्याच देशांनी ऑलिम्पिकच्या उद्घाटन समारंभात मार पास्ट केले. पण यावेळी अंगोला देशाचे ध्वजवाहक जे त्यांच्या पारंपरिक पोशाखात होती त्यांनी सर्वांचीच मनं जिंकली.

भारतीय संघाने देखील मार्च पास्टमध्ये सहभाग घेतला आहे. यावेळी भारतीय पुरुष हॉकी टीमचा कर्णधार मनप्रीत सिंग आणि बॉक्सर मेरी कोम हे ध्वजवाहक म्हणून दिसून येत आहेत. भारताचे 19 खेळाडू आणि 6 अधिकारी या मार्च पास्टमध्ये दिसत आहेत.

काही उत्कृष्ठ कार्यक्रमांच्या सादरीकरनानंतर प्रत्येक देशाचे खेळाडू आपल्या संघासोबत एका मागोमाग एक मार्च पास्ट करत आहेत. ग्रीसने याची सुरुवात केली असून यावेळी सर्व खेळाडूंच्या चेहऱ्यावर मास्क दिसून येत आहे.

थोड्याच वेळात टोक्यो ऑलिम्पिकच्या उद्घाटन समारंभाला सुरुवात होणार आहे. बॉक्सिंग चॅम्पियन मेरी कॉम आणि पुरुष हॉकी संघाचा कर्णधार मनप्रीत सिंग ध्वजवाहकाची भूमिका पार पाडतील.

ऑलिम्पिकमध्ये भारताला पदक मिळवून देण्याची प्रबळ दावेदार असणारी बॉक्सर मेरी कोमसाठी तिच्या मुलांनी एक भावनिक संदेश पाठवला आहे. मेरीला तीन मुलगे आहेत. त्यांनी तिला स्पर्धेसाठी शुभेच्छा दिल्या आहेत.

पुरुष तिरंदाजीमध्ये कोरीयाच्या 17 वर्षीय किम जे डेकयाने कमालीचे प्रदर्शन करत अव्वल स्थान मिळवले. त्याने 60 पैकी 60 गुण मिळवले आहेत.

11 व्या राउंडमध्ये प्रवीण जाधव याने अतनु दासपेक्षा दोन गुणांची लीड घेतली आहे. त्यानंतर मिक्स्ड टीम इव्हेंटच्या रँकिंगमध्ये भारत नवव्या स्थानावर घसरला आहे.

दुसऱ्या हाल्फची सुरुवात झाली असून सातव्या राउंडमध्ये प्रवीण जाधवने 55 गुण मिळवले आहेत. अतनु दासने देखील  55 गुणच मिळवले असून तरुणदीप रॉयने 54 गुण मिळवले आहेत. प्रवीण आणि अतनु यांचे गुण एक सारखेच असले तरी अधिक X (परफेक्ट स्कोर) असल्याने प्रवीण पुढे आहे.

प्रवीण जाधव अधिक दहाS आधारे अतनू दासला मागे टाकले आहे. पाचव्या फेरीत प्रवीण 56 गुणांसह 25 व्या स्थानावर पोहोचला आहे, तर अतानू 55 गुणांसह 29 व्या स्थानावर आहे. तर तरुणदीप 37 व्या क्रमांकावर आहे.

पुरुष रँकिंग राउंड बरोबर मिक्स टीमचा ड्रॉ ठरणार आहे. भारताकडून मिक्स टीम स्पर्धेमध्ये अतनु दास आमि दीपिका कुमारी ही जोडी उतरणार आहे. ज्यांनी वर्ल्ड कपमध्ये नुकतंच गोल्ड मेडल जिंकलं आहे.

दीपिका कुमारीचा ड्रॉ समोर आला आहे. करमाबरोबरच्या सामन्यानंतर दीपिकाने पुढं पाऊल टाकलं तर तिला राऊंड ऑफ 32 आणि राऊंड ऑफ 16 नंतर क्वार्टर फायनलमध्ये ऑलिम्पिक रेकॉर्डिंग कोरियाच्या सॅनचा सामना करावा लागू शकतो.

भारताकडून पुरुषांच्या क्रमवारीत तीन धनुर्धारी भाग घेतील. भारताचा पहिला क्रमांकाचा खेळाडू अतानू दास व्यतिरिक्त अनुभवी खेळाडू तरुणदीप रॉय आणि पहिल्यांदाच ऑलिम्पिक खेळत असलेल्या प्रणव जाधव या स्पर्धेत आपली चुणूक दाखवतील.