Tokyo Paralympics मधील भारतीय खेळाडूंसाठी विराट कोहलीचा खास संदेश, सचिननेही दिल्या शुभेच्छा

विराट कोहली

Tokyo Paralympics 2020: टोक्यो ऑलिम्पिक 2020 (Tokyo Olympics 2020) स्पर्धेत ऐतिहासिक कामगिरी करत भारतीय खेळाडूंनी सात पदकं मिळवली. या दमदार कामगिरीनंतर आता टोक्यो पॅरालिम्पिकमध्येही (Tokyo Paralympics 2020) अशीच कामगिरी करुन जास्तीत जास्त पदक मिळवण्यासाठी भारतीय पॅरा एथलिट्स सज्ज झाले आहेत. त्यासाठी त्यांना सर्व भारतीय शुभेच्छा देत असून हजारो किलोमीटर दूरवरुन भारतीय क्रिकेट संघाचा कर्णधार विराट कोहलीनेही (Virat Kohli) ट्विट करत आपला पाठिंबा आणि शुभेच्छा पॅरा एथलिट्सना दिल्या आहेत.

24 ऑगस्ट ते 5 सप्टेंबरपर्यंत पार पडणाऱ्या या खेळांमध्ये भारतीय खेळाडू उत्तम कामगिरी करतील अशी आशा व्यक्त करण्यात येत आहे. पॅरालिम्पिक्स खेळांमध्ये भारताकडून 9 वेगवेगळ्या स्पर्धांमध्ये 54 पॅरा-एथलीट सहभाग घेतील. या सर्वांना नरेंद्र मोदींपासून ते क्रिडामंत्री अशा संपूर्ण भारतवासियांनी शुभेच्छा दिल्या आहेत.

54 भारतीयांच्या नावे पाठवला संदेश

भारतीय क्रिकेट संघाचा कर्णधार विराट कोहलीने पॅरालिम्पिकमधील खेळाडूंचा आत्मविश्वास वाढवण्यासाठी सहभागी 54 खेळाडूंना  खास ट्विट करत शुभेच्छा दिल्या आहेत. त्याने लिहिलं, ”माझ्या शुभेच्छा तुमच्यासोबत आहेत. मी तुमच्यातील प्रत्येकासाठी चीयर करत आहे. मला आशा आहे तुम्ही आम्हा सर्व भारतीयांसाठी अभिनास्पद कामगिरी कराल. ”

विराट आधी सचिनने ही दिल्या होत्या शुभेच्छा

विराट कोहलीच्या आधी सचिन तेंडुलकरने टोक्यो पॅरालिम्पिकमधील भारतीय संघाला खास संदेश देत ट्विट केलं होतं. यामध्ये सचिनने लिहिलं होत, ”तुम्ही सर्व कर्तृत्त्ववान आहात आणि आमच्यासाठी एक प्रेरणास्त्रोत आहात. माझ्या शुभेच्छा तुमच्या सोबत आहेत.”

इतर बातम्या

Tokyo Paralympics च्या उद्घाटन समारंभात मरियप्पन ध्वजवाहक नसणार, कोरोनाच्या संकटामुळे बदल, नेमकं प्रकरण काय?

Tokyo Paralympics 2020: पॅरालिम्पिक्समध्येही यश मिळवण्यासाठी भारतीय खेळाडू सज्ज, वाचा संपूर्ण वेळापत्रक एका क्लिकवर

Tokyo Paralympics: पंतप्रधान मोदींनी पॅरालिम्पिक्ससाठी रवाना होणाऱ्या खेळाडूंशी साधला संवाद, 24 ऑगस्टपासून स्पर्धेला सुरुवात

(Virat Kohli sends best wishesh to tokyo paralympics indian athletes)