बंगळुरुत पहिल्या कसोटीत पराभव झाल्यानंतर आता पुणे टेस्टमध्ये टीम इंडियाकडून विजयाची अपेक्षा आहे. विराट कोहलीची बॅट चालणं आवश्यक आहे, तरच टीम इंडियाच्या अपेक्षा पूर्ण होऊ शकतील. पण विराट कोहली मोठी इनिंग खेळण्यासाठी तयार आहे का? हा प्रश्न आहे. पुण्याच्या नेट्समध्ये जे पहायला मिळालं, त्यामुळे अपेक्षा तशा कमीच आहेत. नदीम शेख नावाच्या एका नेट बॉलरने विराटची कमजोरी उघड केली. त्याला क्लीन बोल्ड केलं. याआधी सुद्धा नदीम शेखने कोहलीला आऊट केलय.
तुम्हाला प्रश्न पडला असेल, नदीम शेख कोण आहे?. नदीम शेख एक वेगवान गोलंदाज आहे. महाराष्ट्रातील सोलापूर जिल्ह्यातून तो क्रिकेट खेळतो. शोएब अख्तर, ब्रेट ली, डेल स्टेन हे त्याचे आवडते वेगवान गोलंदाज आहेत. त्यांच्या पावलावर पाऊल टाकण्याचा नदीमचा प्रयत्न आहे. नदीम स्वत:ला भाग्यवान समजतो, कारण त्याला विराट कोहलीला बॉलिंग करण्याची संधी मिळाली. त्याने विराटची विकेट सुद्धा काढली. विराट कोहलीला बाद करणं हे जगभरातील गोलंदाजांच स्वप्न असतं. विराटला बाद केल्याच एक वेगळच समाधान आहे असं नदीम शेख म्हणाला.
विराटसाठी नदीमने खास काय प्लानिंग केलेलं?
विराट कोहलीला बाद करण्याच्या प्लानिंगबद्दल विचारल्यावर नदीम म्हणाला की, “ही काही पहिली वेळ नाहीय, जेव्हा त्याने टीम इंडियाच्या स्टार बॅट्समनला गोलंदाजी केली. याआधी मुंबईत CCI मध्ये सुद्धा त्याने विराटला गोलंदाजी केलीय” “ऑफ स्टम्पवर गोलंदाजी करणं हाच प्लान होता. त्याच प्लाननुसार गोलंदाजी केली. अखेरीस विराटचा विकेट मिळाला” असं नदीम शेखने सांगितलं. “मी विराटच्या पायाच्या दिशेने गोलंदाजी केली, त्यावेळी तो चांगल्या पद्धतीने खेळला. पण ऑफ स्टम्पच्या बाहेर जाणाऱ्या चेंडूवर विराट अनेकदा बीट झाला. मुंबईत प्रॅक्टिस दरम्यान 3-4 वेळा त्याने विराटला स्लीपमध्ये कॅच आऊट केलय” असं नदीम म्हणाला. पुण्यात तर त्याने चक्क क्लीन बोल्ड केलं.
Virat kohli got bowled by net bowler in Pune 😭#ViratKohli pic.twitter.com/T05rtznMiB
— Mahesh Patil 1717 (@1717Mahesh) October 23, 2024
विराटची अडचण काय?
नदीम शेखने पुण्यात विराट कोहलीची सर्वात मोठी कमकुवत बाजू उघड केली. ऑफ स्टम्पच्या बाहेर जाणारे चेंडू विराट कोहलीसाठी अडचणीचे ठरतात. नदीम शेखच्या भविष्याबद्दल बोलायच झाल्यास त्याला महाराष्ट्राच्या टीमकडून खेळायच आहे. IPL मध्ये CSK नदीमची फेवरेट टीम आहे.