Google Search | गुगल असते तुमच्या मागावर, बारीक नजर तुमच्या ऑनलाईन हालचालीवर, लावा असे ब्रेक
Google Search | Google युझर्स मोबाईल, लॅपटॉपवर काय करतो, काय पाहतो, कोणता कंटेंट वाचतो, कोणते व्हिडिओ पाहतो, याची इत्यंभूत माहिती गुगल ट्रॅक करते. त्याआधारे, अलगोरिधम आधारे त्या व्यक्तीला जाहिराती दिसतात. त्याला त्याच्या आवडीनुसार, कंटेंट दिसत असतो. गुगलची ही हेरगिरी तुम्हाला थांबविता येऊ शकते.
नवी दिल्ली | 31 January 2024 : तुम्ही Google जसे लॉग-इन करता, तेव्हा, या प्लॅटफॉर्मवर आपोआप तुमचा सारा डेटा स्टोअर सुरु करणे सुरु करते. तुमची ब्राऊझिंग हिस्ट्री असो वा गुगल मॅप्स लोकेशन असो वा YouTube वरील तुमची व्हिडिओची हिस्ट्री, गुगलकडे सर्व डेटा स्टोअर होतो. याच डेटाच्या आधारावर गुगल तुम्हाला Ads डिस्प्ले आणि तुमची आवडती वेब सीरीज सूचवते. तुम्ही जे पाहता, वाचता, त्यासंबंधीचा कंटेंट तुम्हाला दिसतो. म्हणजे एकप्रकारे गुगल तुमच्यावर लक्ष ठेवते. आधुनिक तंत्रज्ञानाच्या आधारे तुमची माहिती ट्रॅक करते. गुगलची ही हेरगिरी तुम्हाला बंद करता येते, कसे ते पाहा..
पुश नोटिफिकेशनमधून हेरगिरी
गुगलवर अनेक युझर्संनी यापूर्वी सुद्धा हेरगिरी करण्याचा आरोप लावला. अमेरिकन सीनेटर रॉन विडेन (Ron Wyden) यांनी याचे खापर सरकारवर फोडले. त्यांनी सरकारचा गुगलला पाठिंबा असल्याचा आरोप केला होता. त्यांनी न्याय विभागाला एक पत्र लिहिले. त्यात गुगल पुश नोटिफिकेशनच्या माध्यमातून हेरगिरी करत असल्याचा आरोप लावण्यात आला होता. पुश नोटिफिकेशन हा एक पॉप अप मॅसेज आहे. होम स्क्रीनवर नवीन मॅसेज आल्यावर तो युझर्सला अलर्ट देतो. यामाध्यमातून वापरकर्त्याची हेरगिरी करता येते.
Activity Data करा चेक
- सर्वात अगोदर Google वर जा
- त्यानंतर उजव्या कॉर्नरवर तुमच्या प्रोफाईलवर क्लिक करा
- Manage your Google account’ वर क्लिक करा
- आता Data & Personalization अंतर्गत एक्टिव्हिटी कंट्रोल पॅनल दिसेल
- त्यानंतर Activity and timeline अंतर्गत My Activity वर क्लिक करा
तुमचा डेटा ट्रॅक करण्यापासून थांबवा
- तुम्हाला इमेज आयकॉनच्या मदतीने Manage your Google account वर जा
- Data & Personalization अंतर्गत एक्टिव्हिटी कंट्रोल पॅनल दिसेल
- Web & App activity tracking, Location History, YouTube History बघा
- या सर्वांच्या समोर एक चेकमार्क्स दिसेल, त्यावर आता क्लिक करा
- ट्रॅकिंग थोपविण्यासाठी या टॉगलला बंद करावे लागेल
गुगल स्टोअरचा डेटा असा करा डिलीट
- सर्वात अगोदर गुगलवर जा
- राईट इमेजवर Manage your Google account वर क्लिक करा
- Manage your Google account अंतर्गत एक्टिव्हिटी कंट्रोल पॅन दिसेल
- डाव्या बाजूच्या Data & Personalization/Privacy वर क्लिक करा
- Web & App Activity वर पुन्हा Manage Activity वर क्लिक करा
- या ठिकाणी तुम्हाला मागील एक्टिव्हिटीची एक यादी दिसेल, ती डिलेट करा