काय लूक हाय राव! Kia Syros चे बोल्ड डिझाईन पाहिले का?)

Kia Syros ने बाजारात येण्याआधीच मार्केट खाल्लंय. या SUV च्या लूकबद्दल काय बोलावं. बोल्ड लूक, बॉक्सी डिझाईन, उंच SUV आणि सपाट छत, असं बरंच काही कंपनीच्या पहिल्या टीझरमध्ये दिसत आहे. या SUVची अर्धवट झलक दिसली असली तरी Kia Syros ने मार्केट खाल्लंय राव, असंच म्हणावं लागेल.

Kia मोटर्सने गेल्या महिन्यात किआ कार्निव्हल लिमोझिन आणि किआ ईव्ही 9 या दोन प्रीमियम कार भारतीय बाजारात लॉन्च केल्या आणि यावेळी कंपनीने पुढील रणनीतीबद्दलही सांगितले. किआ आपल्या Kia 2.0 SUV स्ट्रॅटेजीनुसार येत्या काळात एकापेक्षा एक नवीन एसयूव्ही लॉन्च करण्याच्या तयारीत आहे आणि त्याची सुरुवात Syros नावाच्या एसयूव्हीपासून होणार आहे.

Syros अनेक खास फीचर्सने सुसज्ज

किआ इंडियाने 11 नोव्हेंबर रोजी Kia 2.0 SUV लाईनअपच्या पहिल्या उत्पादनाचे नाव जाहीर केले आहे. Syros असे नाव आहे. ही एसयूव्ही परंपरा आणि नावीन्यपूर्णतेचे मिश्रण म्हणून येत आहे आणि उत्कृष्ट सुरक्षा आणि उत्कृष्ट कामगिरीसह बोल्ड डिझाईन आणि प्रगत तंत्रज्ञानासह दिसणार आहे.

सिरोसच्या माध्यमातून किआ भारतीय बाजारपेठेत एक नवा अध्याय सुरू करणार असून तो टीझर व्हिडिओमध्येही पाहायला मिळाला आहे.

एसयूव्ही मोबिलिटी एक्स्पोमध्ये पाहता येईल?

सध्या लोकांच्या गरजा खूप वेगाने बदलत आहेत. काही काळापूर्वी जिथे लोक वाहनांमध्ये विजेला प्राधान्य देत असत, तिथे आता सुरक्षितता आणि सोयीसुविधांबरोबरच वैशिष्ट्यांचाही बोलबाला आहे. किआ मोटर्स देखील आपल्या सध्याच्या प्रॉडक्ट लाईनअप आणि आगामी प्रॉडक्ट्सच्या माध्यमातून भारतीयांच्या गरजा पूर्ण करण्याचा प्रयत्न करत आहे. असे मानले जात आहे, की किआ इंडिया पुढील वर्षी मोबिलिटी एक्स्पोमध्ये आपली सिरोस प्रदर्शित करू शकते. मात्र, कंपनीने याबाबत कोणतीही ठोस माहिती दिलेली नाही.

सोनेट, सेल्टोस, कार्निव्हलचा बाजारात धुमाकूळ

सध्या किआ इंडिया सब-4 मीटर कॉम्पॅक्ट एसयूव्ही सोनेटच्या माध्यमातून भारतीय बाजारपेठेत धुमाकूळ घालत आहे. त्याचबरोबर सेल्टोस आणि कॅरेन्सही आपापल्या सेगमेंटमध्ये चांगली कामगिरी करत आहेत. दरम्यान, नुकत्याच लॉन्च झालेल्या कार्निव्हल लिमोझिनलाही चांगले बुकिंग मिळाले आहे.

किआ आपल्या ईव्ही 9 द्वारे प्रीमियम इलेक्ट्रिक एसयूव्ही सेगमेंटमध्ये देखील चांगली कामगिरी करत आहे. किआ आता सिरोसच्या माध्यमातून एसयूव्ही प्रेमींना ड्रायव्हिंगचा उत्तम अनुभव देण्याच्या तयारीत आहे.

दरम्यान, आता Kia Syros ने बाजारात येण्याआधीच मार्केट खाल्लं असलं तरी प्रत्यक्षात ती कशी असणार, याची उत्सुकता लागून आहे.