Relationship Insurance : मुलीने फसवलं, Breakup नंतर मुलाला विमा कंपनीकडून मिळाले 25 हजार रुपये

love insurance

Relationship Insurance : आपण आपल्या आसपास नेहमी लोकांना आरोग्य विमा, अपघात विमा, जीवन विमा, कार इश्यूरन्स पॉलिसी काढताना बघतो. पण तुम्ही कधी हा विचार केलाय का? प्रेमाचा, रिलेशनशिपचाही विमा काढता येईल. तुम्हाला या बद्दल माहित नसेल, तर जाणून घ्या. नुकतीच एक घटना घडली आहे, ज्यामध्ये मुलाला ब्रेकअप नंतर इश्यूरन्सचे पैसे मिळाले. ही खूपच वेगळी गोष्ट आहे.

पॉलिसीत काय अट होती?

अलीकडेच टि्वटरवर प्रतीक आर्यन नावाच्या मुलाने एक टि्वट केलं. त्यात त्याने ब्रेकअप नंतर इश्यूरन्स कंपनीकडून 25,000 रुपये मिळाल्याचा दावा केलाय. गर्लफ्रेंड बरोबर ब्रेकअप झाल्यामुळे हे पैसे मिळाल्याचा दावा त्याने केलाय. आमचे प्रेमसंबंध सुरु झाले, तेव्हा आम्ही एका जॉइंट खात्यात दर महिन्याला 500 रुपये जमा केले. एक पॉलिसी बनवली. पॉलिसीमध्ये एक अट होती, जी व्यक्ती रिलेशनशिप तोडेल, त्यावेळी सर्व पैसे दुसऱ्या व्यक्तीला मिळतील.

त्या इश्यूरन्स फंडच नाव काय?

रिलेशनशिपमध्ये अशा प्रकारचा इंश्यूरन्स कुठली कंपनी देते? त्याच नावही मुलाने टि्वटमध्ये दिलय. हा हार्टब्रेक इंश्यूरन्स फंड (HIF) असल्याच मुलाने सांगितलं. रिलेशनशिपमध्ये दुसऱ्या पार्टनरने लॉयल रहाव, हा त्यामागे उद्देश होता. कोणी एकाने वेगळं होण्याचा निर्णय घेतला, तर पैसे दुसऱ्या मिळतील अशी अट होती. म्हणजे एका व्यक्तीला जमा केलेल्या सर्व पैशांवर पाणी सोडाव लागणार होतं. मुलाने या फंडची माहिती देताच सोशल मीडियावर तो वेगाने व्हायरल होतोय.

हे टि्वट काय?

या मुलाने तीन दिवसांपूर्वी हे टि्वट केलय. बघता, बघता हे टि्वट व्हायरल झालय. लोक यावर प्रतिक्रिया देतायत. इश्यूरन्सचे अजून जास्त पैसे मिळाले पाहिजेत, असं काही जण म्हणतायत, तर काही रिलेशनशिप जास्त चालली असती, तर पैसे जास्त मिळाले असते असं म्हणतायत. सध्या हे टि्वट मोठ्या प्रमाणात व्हायरल होतय.