Anand Mahindra Twitter Post: ‘हा’ गोंडस व्हिडीओ आनंद महिंद्रांनी शेअर केलाय, बघतच राहाल…
या आधीही आनंद महिंद्रानी गणपतीची मूर्ती बनविणाऱ्या एका मुलाचा व्हिडीओ शेअर केला होता. आता हे खास विसर्जनाचं औचित्य साधून त्यांनी एक खूपच गोंडस व्हिडीओ शेअर केलाय.
बिझनेस टायकून आनंद महिंद्रा (Anand Mahindra) यांनी अनेकांना आपला फॅन बनवलंय. त्यांनी शेअर केलेला कंटेंट लोकांना आवडतो. यावेळीही महिंद्राने एक व्हिडिओ शेअर करत श्रीगणेश भक्तांना चांगलेच खुश केले आहे. या आधीही आनंद महिंद्रानी गणपतीची मूर्ती बनविणाऱ्या एका मुलाचा व्हिडीओ (Video) शेअर केला होता. आता हे खास विसर्जनाचं औचित्य साधून त्यांनी एक खूपच गोंडस व्हिडीओ शेअर केलाय. या व्हिडीओला नेटकऱ्यांनी चांगलीच दाद दिलीये. आनंद महिंद्रा नेहमीच इम्प्रेसिव्ह ट्विट्स (Tweets) करत असतात.
या व्हिडीओमध्ये हत्तीचं एक लहान मूल दिसत आहे. हे छोटंसं हत्तीचं बाळ आपली गोंडस सोंड हलवत सगळ्यांना बाय बाय करतंय. जणू काही बाप्पा जाताना निरोप घेतायत असं आनंद महिंद्रांचं म्हणणं आहे.
व्हिडीओ शेअर करताच लोकांनी त्याला प्रतिसाद द्यायला सुरुवात केलीये. सोशल मीडियावर व्हायरल होणारा हा व्हायरल व्हिडिओ तुम्हीही पाहा…
I think Bappa is bidding us goodbye with his trunk…and we say: Ganpati Bappa Morya, Pudhchya Varshi Lavkar Ya! See you next year… pic.twitter.com/SN7Z7uuEzC
— anand mahindra (@anandmahindra) September 10, 2022
या व्हिडिओसोबत आनंद महिंद्रा यांनी कॅप्शनमध्ये लिहिलं आहे की, “गणपती बाप्पा मोरया,पुढच्या वर्षी लवकर या! पुढच्या वर्षी भेटूया.” या कॅप्शनने अनेकांची मनं जिंकली. अवघ्या ५ सेकंदांचा हा व्हिडिओ आतापर्यंत २० लाखांहून अधिक वेळा पाहिला गेलाय.
या व्हिडिओला हजारो लोकांनी (सोशल मीडिया यूजर्स) लाईकही केलं आहे. कमेंट सेक्शनमध्ये लोकं वेगवेगळ्या प्रतिक्रिया देताना दिसत आहेत. काही लोक आश्चर्यचकित झाले, काहींनी व्हिडिओचे कौतुकही केले.