बकरी जशी देवासमोर जाते, नमस्कार करते! चमत्कार म्हणायचा का हा?
भाविक मंदिरासमोर हात जोडून उभे राहून प्रभूच्या आरतीत सहभागी होत आहेत.
सोशल मीडियावर अनेक कंटेंट पाहायला मिळतात ज्यामुळे लोक आश्चर्यचकित होतात. इंटरनेटवर एक व्हिडिओ समोर आला आहे, ज्यावर लोक सहजासहजी विश्वास ठेवू शकत नाहीत. मात्र, हा व्हिडिओ पाहिल्यानंतर सर्वांनाच धक्का बसलाय. व्हायरल होत असलेल्या एका व्हिडिओमध्ये उत्तर प्रदेशच्या कानपूर जिल्ह्यातील एका मंदिरासमोर एक बकरी गुडघे टेकून नमस्कार करताना दिसतीये. हा व्हिडिओ डेव्हिड जॉन्सन नावाच्या युझरने रविवारी ट्विटरवर शेअर केलाय.
जॉन्सन यांनी ट्विट करताना कॅप्शनमध्ये कानपूर जिल्ह्यातील बाबा आनंदेश्वर यांच्या मंदिरात ही क्लिप एका भक्ताने काढल्याचं सांगितलंय.
व्हायरल झालेल्या व्हिडीओमध्ये पाहू शकता, भाविक मंदिरासमोर हात जोडून उभे राहून प्रभूच्या आरतीत सहभागी होत आहेत.
त्याच ठिकाणी एक काळ्या रंगाची बकरी गुडघ्यांवर बसून डोकं टेकवत आहे. बकरी शांतपणे प्रार्थना करतीये.इतक्या भक्तिभावाने ती शांतपणे पाया पडतीये की बघणारे बघतच राहतील.
ही पोस्ट शेअर करताना जॉन्सन यांनी लिहिले की, “कानपूरच्या परमार्थ मंदिरातून विश्वासाचे एक अद्भुत चित्र समोर आले आहे, जिथे बाबा आनंदेश्वर यांच्या आरती वेळी एक बकरी अत्यंत भक्तिभावाने गुडघे टेकताना दिसलीये.”
पाहा व्हिडिओ-
A wonderful picture of faith has come to the fore from the Paramat temple of Kanpur, where a goat was seen kneeling in faith in the aarti of Baba Anandeshwar.@SarahLGates1 @thebritishhindu @davidfrawleyved pic.twitter.com/QHM8UjAye2
— David Johnson (@David59180674) October 9, 2022
डेव्हिड जॉन्सन यांनी पुढे लिहिले आहे की, ‘गर्भगृहाबाहेर भक्तांसह शिवलिंगासमोर नतमस्तक झालेली ही बकरी चर्चेचा विषय राहिलीये.”
बाबा आनंदेश्वर मंदिर शंकराला वाहिलेलं गंगा नदीच्या तीरावरील एक प्रसिद्ध प्राचीन मंदिर आहे. या व्हिडिओवर अनेकांनी प्रतिक्रिया दिल्या आहेत.