बिबट्या सूर्यनमस्कार करतोय, बघा!

Leopard suryanamskar

Image Credit source: Social Media

शरीर निरोगी ठेवण्यासाठी लोक रोज योगा करतात आणि सर्व योगांमध्ये एक योग खूप लोकप्रिय आहे तो म्हणजे सूर्यनमस्कार. या योगाने शरीराच्या सर्व अवयवांमध्ये चपळता येते आणि तुम्ही नेहमी ॲक्टिव्ह राहता. भारतीय वन सेवेचे अधिकारी सुशांत नंदा सोशल मीडियावर खूप सक्रिय असतात आणि अनेकदा आपल्या फॉलोअर्ससोबत वन्यजीवांचे अप्रतिम व्हिडिओ शेअर करतात. नुकताच त्याने एका सुंदर बिबट्याचा आणखी एक मनमोहक व्हिडिओ शेअर केला आहे जो सोशल मीडियावर व्हायरल झाला आहे. या व्हिडिओमध्ये बिबट्या सूर्यनमस्कार करत असल्याचे दिसत आहे.

बिबट्याने केले सूर्यनमस्कार

व्हायरल क्लिपमध्ये बिबट्या झोपेतून उठल्यानंतर सकाळची नियमित दिनचर्या करताना दिसत आहे. मात्र, बिबट्या लोकप्रिय योगासन सूर्यनमस्कार करत असल्याचे दिसून येत आहे. हा व्हिडिओ शेअर करत सुशांत नंदाने पोस्टच्या कॅप्शनमध्ये लिहिले की, “बिबट्याने घातला सूर्यनमस्कार.” सुशांत नंदाने सोमवारी ही क्लिप शेअर केली आणि तेव्हापासून ती अनेक लोकांनी पाहिलीये आणि 2,500 पेक्षा जास्त वेळा लाइक केली गेली आहे. ही क्लिप पाहिल्यानंतर इंटरनेट युजर्स खूप खूश झाले आणि त्यांनी कमेंट बॉक्समध्ये आपलं मत व्यक्त केलं.

एका युजरने गंमतीने लिहिले की, त्यांना हे योगासन कोण शिकवते? योग शिक्षक नाहीत, युट्युब नाही, पुस्तके नाहीत, असे एका युजरने लिहिले आहे. तर दुसरा म्हणाला, “माझे कुत्रे संध्याकाळी असेच करतात. हा सूर्यनमस्कार नाही, शिकारीसाठी बाहेर पडण्याचा आळस आहे.”