फिल्मी स्टाईलने पकडले विद्यार्थी! महिला कॉन्स्टेबल विद्यार्थिनी बनून MBBS कॉलेजमध्ये शिरली आणि…
खांद्यावर बॅकपॅक लटकवून ती रोज क्लासला जायची आणि मैत्रिणींसोबत कॅम्पसमध्ये फिरायची जेणेकरून सगळ्यांना विश्वास बसेल की ती देखील एक विद्यार्थिनी आहे.
‘स्त्री काहीही करू शकते’ हे सिद्ध करून दाखवत एका महिला पोलिसाने मेडिकल कॉलेजमध्ये रॅगिंग करणाऱ्या 11 विद्यार्थ्यांना अटक केली. 24 वर्षीय महिला कॉन्स्टेबल शालिनी चौहान इंदूरच्या एका कॉलेजमध्ये रॅगिंग प्रकरणात ‘हिरो’ बनली. तिने आरोपीला पकडण्यासाठी विद्यार्थी असल्याचे भासवून महाविद्यालयात प्रवेश केला आणि त्यानंतर रॅगिंग करणाऱ्या लोकांना पकडले. खांद्यावर बॅकपॅक लटकवून ती रोज क्लासला जायची आणि मैत्रिणींसोबत कॅम्पसमध्ये फिरायची. कॅफेटेरियात ती जेवणही करायची. इतकंच नाही तर इतर विद्यार्थ्यांप्रमाणे बंक सुद्धा मारायची जेणेकरून सगळ्यांना विश्वास बसेल की ती देखील एक विद्यार्थिनी आहे.
विद्यार्थिनी म्हणून कॉलेजमध्ये गेलेल्या शालिनी चौहान यांचे वास्तव वेगळेच होते. ती एक गुप्त एजंट होती जी कॅम्पसमध्ये रॅगिंग करणाऱ्या लोकांचा शोध घेत होती.
एजंट म्हणून काम करणाऱ्या शालिनीची ओळखणं इतकं सोपं काम नव्हतं. त्यांनी एक-दोन नव्हे तर 11 आरोपींना पकडले.
इंदूरच्या एमजीएम मेडिकल कॉलेजमध्ये पोलिसांनी रॅगिंगचं प्रकरण उघड केलं होतं. कॉन्स्टेबल शालिनी तीन महिने विद्यार्थिनी म्हणून कॉलेजमध्ये होती. त्यांनंतर तिने खूप हुशारीने आरोपींना पकडले.
female cop to crack ragging case
इंदौरच्या संयोगितागंज पोलिस स्टेशन परिसरात कॉलेजमध्ये रॅगिंग करून विद्यार्थ्यांना त्रास दिला जातो, अशी तक्रार आली होती. त्यावर पोलिसांनी काही जणांचे पथक तयार करून नंतर कॉन्स्टेबल शालिनीला विद्यार्थी म्हणून कॉलेजमध्ये प्रवेश मिळवून दिला.
शालिनीने हेरगिरी करून आरोपीची ओळख पटवून त्यांची रवानगी तुरुंगात केली. इतकंच नाही तर कॉलेजमध्ये कॅन्टीन स्टाफ म्हणून दोन पोलीस आणि नर्स म्हणून आणखी एका महिला कॉन्स्टेबलला कॉलेजमध्ये पाठवण्यात आलं.
या सर्वांनी रॅगिंग प्रकरणातील 11 आरोपींची ओळख पटवली. रॅगिंग करणारे लोक येणाऱ्या नवीन विद्यार्थ्यांना त्रास देत होते. इतकंच नाही तर तो विद्यार्थ्यांना अश्लील काम करण्यास भाग पडत असत.