ज्या तिकीटावर 25 कोटींची लॉटरी जिंकली तेच तिकीट हरवलं…पुढे जे झालं ती जणू फिल्म कहाणी!

Lottery ticket lost

मुंबई: लॉटरीचे तिकीट जाहीर होताच लोक एका झटक्यात कोट्यधीश बनतात. पण अमेरिकेतील लॉटरीच्या तिकिटाची एक अतिशय फिल्मी कहाणी समोर आलीये. यामध्ये एका कार मेकॅनिकने 25 कोटींची लॉटरी जिंकली, मात्र या लॉटरीचे पैसे मिळण्याआधीच मोठा गदारोळ झाला. झालं असं की, यावर्षी जानेवारी महिन्यात या मेकॅनिकने लॉटरीची तिकिटे विकत घेतली.

पॉल लिटिल असे या मेकॅनिकचे नाव असून तो अमेरिकेतील मॅसेच्युसेट्सचा रहिवासी आहे. त्याने जानेवारीत तिकीट विकत घेतले होते, पण त्याचं भांडण झालं होतं. तिकीट काढून तो घरी परतत होता आणि वाटेत दारूच्या दुकानातच तो तिकीट विसरला होता. त्याचे तिकीट दारूच्या दुकानात राहिलंय याची त्याला जराही कल्पना नव्हती. विसरलेले तिकीट बघून दारूच्या दुकानात काम करणाऱ्या एका महिलेने हे तिकीट खिशात ठेवले.

नुकतेच या तिकिटाचा जॅकपॉट समोर आला असता मेकॅनिकने खरेदी केलेल्या तिकिटाची संख्या 25 कोटी रुपये मिळाल्याचे निदर्शनास आले. दुसरीकडे त्याचे नाव जाहीर करण्यात आले आणि येथे तिकिटाचा शोध घेतला असता तो सापडला नाही. दारूच्या दुकानात तिकीट टाकल्याचं त्याला आठवलं आणि तो तिथेच विसरला. त्याने तिथे धाव घेतली, पण त्या महिलेने तसे काहीही घडले नसल्याचे सांगितले.

गंमत म्हणजे या महिलेने स्वत: लॉटरी ऑफिसमध्ये जाऊन हे 25 कोटी घेण्याचा प्रयत्न केला. महिलेने लॉटरी कार्यालयातील अधिकाऱ्यांना तिकीट दाखवले. जशी ती महिला तिकीट दाखवायला गेली त्या महिलेवर संशय आला, तिची चौकशी करण्यात आली. शेवटी तिकीट विकत घेणाऱ्या पॉल लिटिलचा शोध लागला आणि त्याला लॉटरीचे पैसे देण्यात आले. या महिलेवर फसवणुकीचा आरोप करून तुरुंगात डांबण्यात आले.

आणखी एका मीडिया रिपोर्टनुसार, या प्रकरणाची सुनावणी सुरू असून पॉल लिटिल नावाच्या मेकॅनिकला हे पैसे मिळाले आहेत. तसेच तो अत्यंत गरीब मेकॅनिक असल्याचेही सांगण्यात आले. सध्या तो आपल्या कुटुंबासोबत खूप आनंदी आहे.