VIDEO : आधी गुडघा टेकला, मग पुष्पगुच्छ, नंतर अश्रूंचा बांध फुटला, तरुणीच्या प्रपोजचा व्हिडीओ होतोय व्हायरल

लाहौर (पाकिस्तान) : जगभरातील लाखो, कोट्यवधी लोकं वेगवेगळ्या पद्धतीने आपलं प्रेम व्यक्त करत असतात. आपल्या जोडीदारापुढे प्रेम व्यक्त करतानाचा क्षण आयुष्यातील अविस्मरणीय क्षण असावा, अशी काहींची इच्छा असते. त्यामुळे ते जगावेगळ्या पद्धती अवलंबतात. आतादेखील अशाच एका कपलचा व्हिडीओ समोर आलाय. या व्हिडीओत मुलगी आपल्या जोडीदारासमोर प्रेम व्यक्त करताना दिसत आहे (Pakistani girl propose her boyfriend viral video).

व्हिडीओत रोमॅन्टिक वातावरण

सर्वसामान्यपणे मुलगा जमिनीवर गुडघा टेकून मुलीला प्रपोज करतानाचा व्हिडीओ आपण बघितलाय. अनेक चित्रपटांमध्येही आपण तसंच बघितलंय. मात्र, आता व्हायरल होणाऱ्या व्हिडीओत चक्क मुलगी जमिनीवर गुडघा टेकून प्रेम व्यक्त करत आहे. तो क्षण, ते वातावरण आणि त्या वातावरणाचे साक्षीदार असलेल्या लोकांची दाद, हे सर्व दैदीप्यमान असं वातावरण व्हिडीओत दिसत आहे.

संबंधित व्हिडीओ हा पाकिस्तानमधील असल्याची माहिती समोर आली आहे. ते कपल नेमकं कोण आहे त्याची माहिती मिळाली नाही पण तो व्हिडीओ इन्स्टाग्रामवर ‘uol_inside’ नावाच्या अकाउंटवरुन शेअर करण्यात आलाय (Pakistani girl propose her boyfriend viral video).

व्हिडीओत नेमकं काय घडतं?

व्हिडीओत एका टेबलवर फुलांच्या पाकळ्या दिसत आहेत. एक मुलगी हातात पुष्पगुच्छ घेऊन जमिनीवर गुडघा ठेवते. तिच्यासमोर काळ्या शर्टात एक सुंदर मुलगा उभा आहे. ती त्या मुलाला जमिनीवर गुडघं टेकून प्रमोज करते. त्याच्याप्रती प्रेम व्यक्त करते आणि त्याच्या हातात पुष्पगुच्छ देते. मुलगा तिच्या प्रपोजचा स्वीकार करतो आणि मुलीच्या हातातून पुष्पगुच्छ घेतो. त्यानंतर दोघं मिठी मारतात. यावेळी मुलीच्या डोळ्यांमधून अश्रू येतात. तर मुलगा गोड स्मितहास्त देत तिला समजवण्याचा प्रयत्न करतो. दुसरीकडे त्यांच्या आजूबाजूला काही तरुण मोबाईलवर त्यांचा व्हिडीओ शूट करताना दिसत आहेत. मुलाने मुलीचा प्रपोज स्वीकारल्यानंतर ते आनंदाने ओरडायला लागतात.

पाहा व्हिडीओ :

प्रत्येक व्यक्तीच्या आयुष्यात प्रेम हा फार सॉफ्ट कॉर्नर आहे. प्रेमात असलेली व्यक्ती प्रचंड संवेदनशील असते. प्रेम जेव्हा सुरुवातीच्या टप्प्यांमध्ये असतं आणि समोरच्या जोडीदारापुढे व्यक्त करायचं असेल तर तो क्षण आयुष्यभर लक्षात राहावा यासाठी काहीतरी वेगळं करावं, अशी भावना अनेकांच्या मनात येते. त्यामुळे सध्या तरुण अशा वेगवेगळ्या पद्धतीत एकमेकांना प्रपोज करतात.

हेही वाचा : नवरा बायको रोजच्या भांडणाला कंटाळले, बघा त्यांनी त्यावरचा मार्ग काय काढला?