IPL 2023: रस्त्यावर पाणीपुरी विकण्यापासून ते IPL मध्ये इतिहास रचण्यापर्यंत, डोळ्यांत अश्रू आणणारी आहे या क्रिकेटरची कहाणी

Yashaswi Jaiswal Half Centuary

मुंबई: Rajasthan Royals कडून खेळणारा युवा आणि स्फोटक फलंदाज यशस्वी जयस्वाल IPL 2023 च्या हंगामात जबरदस्त कामगिरी करत आहे. कोलकाता नाईट रायडर्सविरुद्ध त्याने मोठे फटके बाजी करून जबरदस्त कामगिरी केली. क्रिकेट विश्वात त्याने असा पराक्रम केला आहे की, सर्वजण यशस्वीचे कौतुक करत आहेत. KKR विरुद्ध डावखुऱ्या सलामीवीराने अवघ्या 13 चेंडूत अर्धशतक झळकावले, जे आतापर्यंतचे दुसरे सर्वात वेगवान टी-20 अर्धशतक आहे, तर IPL इतिहासातील सर्वात जलद अर्धशतक करण्याचा विक्रम आहे.

यशस्वीने हे यश मिळवण्यासाठी अहोरात्र मेहनत घेतली

यंदाच्या मोसमात तो ऑरेंज कॅप मिळवण्यापेक्षा केवळ 2 धावांनी मागे आहे. RCB चा कर्णधार फाफ डु प्लेसिस पहिल्या क्रमांकावर आहे. आरसीबीच्या कर्णधाराने 576 धावा केल्या आहेत, तर जयस्वालच्या नावावर सध्या 574 धावा आहेत. त्याने केकेआरविरुद्ध नाबाद 98 धावांची खेळी केली होती. यशस्वी आयपीएल 2023 मधील दुसरे शतक झळकावू शकला नाही. टॉप ट्रेंडमध्ये आल्यानंतर कमेंटेटर आकाश चोप्राशी बोलताना त्यांची एक जुनी मुलाखत सोशल मीडियावर व्हायरल होत आहे. या व्हिडिओमध्ये जयस्वाल आपल्या संघर्ष आणि मेहनतीबद्दलही सांगत आहे.

वडिलांसोबत पाणीपुरी विकायचा

तो वडिलांसोबत गाडीवर पाणीपुरी विकायचा, ज्याचा एक फोटो अजूनही खूप व्हायरल आहे. जयस्वालने 2018 मध्ये वयाच्या 17 व्या वर्षी युवा एकदिवसीय स्पर्धेत द्विशतक झळकावत क्रिकेटमध्ये पदार्पण केले होते. जयस्वाल हे सामान्य कुटुंबातील असून मुंबईतील आझाद मैदानाबाहेर पाणीपुरी आणि फळे विकून उदरनिर्वाह करत होते. उन्होंने बताया कि तो बरेचदा उपाशी पोटी सुद्धा झोपायचा. उत्तर प्रदेशातील भदोही गावात जन्मलेले जयस्वाल वयाच्या अकराव्या वर्षी क्रिकेटपटू होण्याचे ध्येय साध्य करण्यासाठी मुंबईत आले.

Under 19 World Cup प्लेअर ऑफ द टूर्नामेंट

यशस्वी जयस्वाल हा प्रशिक्षणाच्या काळात तंबूत राहात होते. आयुष्यातील अडथळ्यांवर मात करत त्याने यशाचे शिखर गाठले. यशस्वी जयस्वालच्या कारकिर्दीला तेव्हा सुरुवात झाली जेव्हा प्रशिक्षक ज्वाला सिंग यांनी त्याला आझाद मैदानावर ओळखले. 19 वर्षांखालील विश्वचषकात जयस्वालने एक शतक आणि चार अर्धशतकांसह 400धावा केल्या होत्या. जयस्वालला संपूर्ण स्पर्धेत उत्कृष्ट कामगिरीसाठी ‘प्लेयर ऑफ द टूर्नामेंट’ म्हणून गौरविण्यात आले.

जयस्वालला राजस्थान रॉयल्सने 2.4 कोटी रुपयांना करारबद्ध केले. जयस्वालला पुढील मोसमासाठी कायम ठेवण्यात आले आणि नवीन कर्णधार संजू सॅमसनच्या नेतृत्वाखाली त्याला आपली प्रतिभा दाखवण्याची अधिक संधी मिळाली. वेगवान गोलंदाज असो किंवा फिरकीविरुद्ध, या युवा क्रिकेटपटूने आपल्या शानदार स्ट्राईक प्ले आणि इराद्याने सर्वांना आश्चर्यचकित केले.