वाह रे पठ्ठया! अशी कुणी चोरी केली होती? खेळणीतल्या बंदुकीने?
नाला सोपारा इथे काही दिवसांपूर्वी एका कॅब चालकाने हे कृत्य केलंय.
चोरीच्या अनेक विचित्र घटना घडतात. अनेक वेळा चोरटेही त्यांच्या मजेशीर कृतीमुळे प्रसिद्ध होतात, तरी कधी कधी ते पकडलेही जातात. खेळण्यातील बनावट बंदुक घेऊन चोरटा चोरी करण्यासाठी आला असताना असाच प्रकार उघडकीस आला आहे. आश्चर्य म्हणजे त्याने सुमारे दहा लाखांचे दागिनेही लुटले, पण अखेर तो पकडला गेला.
खरंतर ही घटना मुंबईतील आहे. मीडिया रिपोर्टनुसार, नाला सोपारा इथे काही दिवसांपूर्वी एका कॅब चालकाने हे कृत्य केलंय.
या घटनेपूर्वी त्याने एक योजना तयार केली. काही दिवसांपूर्वी या दुकानाजवळ एका प्रवाशाला सोडण्यासाठी तो गेला होता, त्यानंतर त्याच वेळी त्याने इथे लुटण्याचा प्लॅन केला. रस्त्यात त्याला खेळण्याचे दुकान दिसले तिथे त्याने ही बंदूक घेतली.
रिपोर्ट्सनुसार कमलेश असं त्याचं नाव असून त्याने 26 नोव्हेंबर रोजी ही घटना केली आहे, जी आता समोर आली आहे.
तो खेळण्यातील बंदूक खरेदी करण्यासाठी गेला आणि त्यानंतर दागिन्यांच्या दुकानात गेला. तिथे त्यांनी स्वत:ची ओळख ग्राहक अशी करून दिली आणि त्यानंतर दुकानाचे मालक सुरेश कुमार यांना चांदीचे काही दागिने दाखवण्यास सांगितले.
दरम्यान, आपल्या पत्नीला सोन्याचे कानातले विकत घ्यायचे आहेत आणि मी पुन्हा येईन, असेही त्याने सांगितले. त्यानंतर तो निघून गेला आणि बॅग घेऊन परत आला.
त्याने दागिने बॅगेत भरले आणि त्याच बनावट बंदुकीच्या जोरावर त्याने लूट केली. दुकानदाराने त्याला पकडण्याचा प्रयत्न केला, मात्र तोपर्यंत तो पळून गेला असे सांगण्यात आले.
कॅब चालक चोरट्याने अशी चूक केली की चोरीदरम्यान तो दुकानात लावलेल्या सीसीटीव्ही कॅमेऱ्यात कैद झाला. त्यासाठी त्याच्याकडे कोणतीही योजना तयार नव्हती.
त्याआधारे पोलिसांनी त्याला पकडले. पोलिसांनी सांगितले की ड्रायव्हरवर यापूर्वी इतर पोलिस ठाण्यांमधील दागिन्यांच्या दुकानातून दरोड्याचे तीन गुन्हे दाखल आहेत. सध्या या प्रकरणाचा तपास सुरू झाला आहे.
