लोक हॉर्न वाजवून हैराण, या बाबाने बस रस्त्यात उभी केली! कारण वाचून थक्क व्हाल

tea lover

Image Credit source: Social Media

चहा हे भारतातील सर्वात जास्त पसंतीचे पेय आहे, ज्याशिवाय लोक राहूच शकत नाही. दिवसाची सुरुवात याच चहाने होते. इथे लोक आपल्या दिवसाची सुरुवात चहाने करतात आणि संध्याकाळ होताच चहाचा कप पुन्हा हातात येतो. ऑफिसमध्येही प्रत्येक कर्मचाऱ्याला चहा नक्की मिळतो. भारतीयांच्या या चहाप्रेमामुळे चहाच्या गाड्या किंवा दुकानं प्रत्येक गल्लीत, कानाकोपऱ्यात दिसतात. जर तुम्ही कुठे प्रवास केलात, तर साहजिकच तुम्ही चहाच्या दुकानांवर थांबाल, चहा प्याल, तरच तुम्ही पुढे जाल. आजकाल या चहाप्रेमाशी संबंधित एक व्हिडिओ सोशल मीडियावर व्हायरल होत आहे, जो खूप मजेशीर आहे.

या व्हिडीओमध्ये एक बसचालक गाडी चालवताना चहासाठी इतका तहानलेला असतो की, तो काहीही विचार न करता मध्येच बस थांबवतो आणि चहा घेण्यासाठी दुकानात पोहोचतो.

या काळात त्याच्या मागे बराच वेळ ट्राफिक जाम असते, पण त्याला काही फरक पडत नाही. चहा घेतला की तो बस घेऊन पुढे जातो आणि मग लोकांची कोंडीतून सुटका होते.

व्हिडीओमध्ये तुम्ही पाहू शकता की, रस्त्याच्या मधोमध एक बस उभी आहे आणि त्यामागे इतर वाहनांची लांबच लांब रांग आहे. प्रत्यक्षात त्या बसचा चालक रस्त्याच्या पलीकडे चहा घेण्यासाठी गेला होता. तो थोड्या वेळाने चहा आणतो बसमध्ये बसतो, बस पुढे घेऊन जातो.

ड्रायव्हरमध्ये चहाची इतकी लालसा तुम्ही क्वचितच पाहिली असेल. हा व्हिडिओ खूप मजेशीर आहे, जो सोशल मीडिया प्लॅटफॉर्म ट्विटरवर @kadaipaneeeer नावाच्या आयडीसह शेअर करण्यात आला आहे.

25 सेकंदांचा हा व्हिडिओ आतापर्यंत 29 हजारांपेक्षा जास्त वेळा पाहिला गेला आहे, तर शेकडो लोकांनी हा व्हिडिओ लाईकही केला आहे.

त्याचबरोबर व्हिडिओ पाहिल्यानंतर लोकांनी वेगवेगळ्या प्रकारच्या प्रतिक्रियाही दिल्या आहेत. एका युझरने लिहिले, ‘चहाप्रेमी असे असतात’, तर दुसऱ्या युझरने लिहिले, ‘चहा म्हणजे जीवन’. अशातच आणखी एका युझरने लिहिले की, ‘सुदामाच्या चहाचे व्यसन असे आहे’.