पत्र देण्यासाठी गेली अन् हरिणांनी रोखला मार्ग, मेलवाहकास आला मजेशीर अनुभव; पाहा Video
Animal cute video : हरिणांचा एक व्हिडिओ समोर आला आहे. यूएस मेलवाहक (US Mail Carrier) डुलुथ, मिनेसोटा (Minnesota's Duluth) येथे पत्र देण्यासाठी पोहोचली. त्यावेळी तिला मिनेसोटामध्ये एका घराबाहेर दोन हरणे (Deers) दिसली, सुरुवातीला ती घाबरली पण नंतर तिला चांगला अनुभव आला.
Animal cute video : प्राण्यांचे व्हिडिओ आपण सोशल मीडियावर नेहमीच पाहत असतो. आता हरिणांचा एक व्हिडिओ समोर आला आहे. त्या हरिणांनी चक्क रस्ता अडवला आहे. एक यूएस मेलवाहक (US Mail Carrier) डुलुथ, मिनेसोटा (Minnesota’s Duluth) येथे पत्र देण्यासाठी पोहोचली आणि जेव्हा ती तिथे पोहोचली तेव्हा आश्चर्यचकित झाली. तुम्हाला आश्चर्य वाटेल, की तिने तिथे काय पाहिले असेल. त्यावेळी तिला मिनेसोटामध्ये एका घराबाहेर दोन हरणे (Deers) दिसली, सुरुवातीला ती घाबरली पण नंतर तिला चांगला अनुभव आला. तिने आपला सुखद अनुभव सांगितला. तिने प्राण्यांशी झालेल्या भेटीचे रेकॉर्डिंग केले आणि तेथील हरणांशी संवाद साधण्याचाही प्रयत्न केला. तुम्हाला कदाचित हा विनोद वाटेल, पण तसे नाही. पोस्टमनने यूट्यूबवर व्हिडिओ शेअर केला आणि तो सोशल मीडियावर व्हायरल झाला.
हरणाने रोखला मार्ग
व्हायरल व्हिडिओमध्ये, पोस्टमन फॅन्जी नेल्सन (Fanjie Nelson) पहाटे डुलुथला मेल वितरीत करताना दिसत आहे जेव्हा एका हरणाने तिचा मार्ग रोखला होता. एका घरासमोरच्या रस्त्यावर हरीण उभे होते. नेल्सन हरणाला पत्र दाखवत म्हणतो, ‘हा तुझा मेल आहे ना? हा मेल घे, हे पत्र घेण्यासाठी, आपण चांगले बॅकअप घेऊ शकता. तू इथे राहतोस ना? हे तुमचे घर आहे ना? चल, तुझे नाव काय?’ व्हिडिओच्या शेवटी घराशेजारी आणखी एक हरण दिसले.
यूट्यूबवर अपलोड
यूट्यूबवर फन्जी नेल्सन (Fanjie Nelson) या चॅनेलवर हा व्हिडिओ अपलोड करण्यात आला आहे. Mail Delivery in Duluth, Minnesota! असे शीर्षक असलेला हा व्हिडिओ हजारो वेळा पाहिला गेला आहे. व्हिडिओ कॅप्शनमध्ये लिहिले आहे, ‘नॉर्थलँड (sic) मध्ये मेल वितरीत करण्याचा आणखी एक चांगला दिवस.’