‘मम्मी चाय लाओ’, पोपटाची आईला ऑर्डर, संवादाचा व्हिडिओ होतोय व्हायरल

सोशल मीडियावर वेगवेगळे व्हिडिओ व्हायरल होत असतात. त्यावर अनेक युजर आपले कॉमेंट व्यक्त करत असतात. आता सोशल मीडियावर एका पोपटाचा व्हिडिओ व्हायरल झाला आहे. या व्हिडिओमध्ये एखाद्या मानवाप्रमाणे पोपट बोलत असताना दिसत आहे. व्हिडिओमधील विदेशी पोपट असून तो दिसयाला खूप सुंदर आहे. त्याच्या त्या आईशी गप्पा चांगल्या रंगल्या आहेत. २ मिनिटे ११ सेंकदाचा हा व्हिडिओ आहे.

पोपटाची आईला ऑर्डर

घरातील एखाद्या मुलाने आईकडे हट्ट धरावा त्या पद्धतीने हट्ट पोपटाने धरला आहे. हा व्हिडिओ चांगला व्हायरल झाला आहे. त्यावर नेटकरी आपले कॉमेंटही व्यक्त करत आहे. विदेशी पोपट हिंदीत बोलताना दिसत आहे. त्या व्हिडिओमध्ये तो पोपट आईला मम्मी म्हणून बोलवतो. तसेच तो चहाची मागणी करताना दिसत आहे.

मनाला भिडणार दोघांचा संवाद

व्हायरल होत असलेल्या व्हिडिओमध्ये हा पोपट लाल रंगाचा असून त्याची पिसे हिरवी असल्याचे दिसून येत आहे. ते खूप गोंडस दिसते. व्हिडिओमध्ये हा पोपट हिंदीत बोलताना दिसत आहे. व्हिडिओमध्ये पोपट एका महिलेला मम्मी म्हणून संबोधत आहे आणि चहाही मागत आहे. पोपटाच्या आवाजाने ती स्त्रीही बाहेर येते आणि त्याच्याशी बोलते. दोघांमधील संवाद लोकांच्या मनाला भिडणारा आहे. इंडोनेशियामध्ये या प्रकारचे पोपट आढळतात.

असा होतो दोघांमधील संवाद

पोपट महिलेला हाक मारताच ‘आली बेटा आली’ म्हणत ती आई त्याला उत्तर देत आहे. मी चहा घेऊन येत आहे, अशी ती त्या पोपटाला म्हणते. त्यावेळी आई प्रेमाने म्हणते, या माझ्या मुलासारखा सोन्याचा मुलगा नाही. आईचा हा गोड मुलगा आहे.’, असेही त्या महिलेने म्हटले आहे. हा व्हिडिओ सोशल मीडियावर व्हायरल होत आहे. लोकांना हा व्हिडिओ खूप आवडला आहे.