Video: चॉकलेट आणि मसाला लावलेलं मक्याचं कणीस, दिल्लीतील विचित्र स्ट्रीट फूड पाहून नेटकरी भडकले!
एका स्ट्रीट फूड विक्रेत्याने स्वीट कॉर्नचा समावेश असलेली एक विचित्र रेसिपी तयार केली आणि त्यामुळे नेटिझन्सची निराशा झाली. हा व्हिडिओ फूड व्लॉगर अनिकेत लुथराने त्याच्या सोशल मीडिया प्लॅटफॉर्म इन्स्टाग्रामवर शेअर केला आहे.
सोशल मीडियावर विचित्र गोष्टींची कमतरता नाही. सोशल मीडियावर फूडचे अनेक कॉम्बिनेशन्स पाहायला मिळतात, ज्यांचे फोटो आणि व्हिडिओ वेगाने व्हायरल होत आहेत. तुम्ही जर खाद्यपदार्थाचे शौकीन असाल, तर आम्हांला खात्री आहे की तुम्हीही त्याबद्दल थोडेसे उत्सुक असाल, जो व्हिडिओ आता व्हायरल होत आहे. पण आधी तुम्हाला सांगतो की काही काळापूर्वी एक व्हिडिओ व्हायरल झाला होता, ज्यामध्ये एका व्यक्तीने शेव, दही आणि चटणीसोबत रसगुल्ला चाट बनवला होता? बरं, आता समोर आलेल्या व्हिडिओमध्ये एक दुकानदार स्वीट कॉर्नवर चॉकलेट आणि मसाले घालताना दिसत आहे. आता त्याचा व्हिडिओ सोशल मीडियावर मोठ्या प्रमाणात व्हायरल होत आहे. (Weird Street Food in Delhi that vendor makes sweet corn with chocolate and masala in viral video)
तुम्ही सर्वांनी थोडे बटर, मीठ आणि चिमूटभर चिली फ्लेक्स असलेले स्वीट कॉर्न पाहिले असेलच. हा स्वादिष्ट नाश्ता सर्वांनाच आवडतो. पण एका स्ट्रीट फूड विक्रेत्याने स्वीट कॉर्नचा समावेश असलेली एक विचित्र रेसिपी तयार केली आणि त्यामुळे नेटिझन्सची निराशा झाली. हा व्हिडिओ फूड व्लॉगर अनिकेत लुथराने त्याच्या सोशल मीडिया प्लॅटफॉर्म इन्स्टाग्रामवर शेअर केला आहे.
व्हिडीओ पाहा:
व्हिडीओमध्ये असे दाखवण्यात आले आहे की, विक्रेता वाफवलेलं कणीस घेऊन त्यावर लोणी लावत आहे. मग तो मोठ्या प्रमाणात चॉकलेट सिरप आणि मलई ओततो. ते अजून संपलेले नाही! दुकानदारही त्यावर काही मसाले आणि लिंबू टाकतो. कॅप्शननुसार, स्ट्रीट स्टॉल पूर्व दिल्लीमध्ये आहे. होय, हे वाचून तुम्हाला थोडं विचित्र वाटलं असेल, पण हे खरं आहे. आतापर्यंत या व्हिडिओला लाखो लाईक्स आणि हजारो कमेंट्स पाहायला मिळत आहेत. हा व्हिडिओ काही लोकांची खूप निराशा करत आहे, तर काही लोक या डिशची टेस्ट घेण्यासाठी उत्सुक आहेत. या व्हिडीओने सोशल मीडिया यूजर्सना खूप आश्चर्यचकित केले आहे.
व्हिडिओवर एका युजरने लिहिले, ‘कोण असं कॉर्न चॉकलेटसोबत मसाला खातं’ दुसऱ्या यूजरने लिहिले, ‘एकदा खायला हरकत नाही,’ अजून एकाने लिहिले, ‘इतका विचित्र कॉम्बो कोण ठेवतो’, व्हिडिओच्या कमेंट विभागात बरेच इमोजी देखील दिसत आहेत.
हेही पाहा: