आवश्यकतेपेक्षा जास्त वर्कआउट केल्याचा काय होतो परिणाम, व्हायरल व्हिडिओमध्ये पहा भीतीदायक वास्तव

आवश्यकतेपेक्षा जास्त वर्कआउट केल्याचा परिणाम

नवी दिल्ली : सोशल मीडियावर वेगवेगळ्या प्रकारचे व्हिडिओ व्हायरल होत असतात. स्वयंपाक करण्यापासून, गायन, नृत्य, जादूच्या युक्त्या, सर्व प्रकारचे व्हिडिओ इंटरनेटवर उपलब्ध आहेत. लोकांच्या वर्कआउटचे व्हिडिओ देखील सोशल मीडियावर खूप पसंतीस उतरत आहेत. सेलिब्रेटींपासून ते लोकप्रिय फिटनेस प्रशिक्षकांपर्यंत, लोकं व्यायामाचे आणि वर्कआउटचे व्हिडिओ मोठ्या आवडीने पाहतात. पण बऱ्याच वेळा लोक आपल्या शरीराकडे लक्ष न देता आवश्यकतेपेक्षा जास्त व्यायाम करतात, ज्यामध्ये त्यांना स्वतःला त्रास होतो. या व्हिडिओमध्ये एका व्यक्तीसोबत असेच काही घडले आहे. (What happens when you workout more than necessary, see the viral video)

व्हिडिओ सोशल मीडियावर व्हायरल

जगातील प्रत्येक व्यक्तीला फिट राहण्याची इच्छा असते. म्हणूनच काही लोक दररोज व्यायामशाळेत तासन्तास घाम गाळतात, तर बरेच जण उद्यानात आणि घरी व्यायाम करतात जेणेकरून फिटनेस कायम राहील. बरेच लोक स्टिरॉइड्सच्या मदतीने देखील शरीर तयार करतात. परंतु आपले शरीर नेहमी तंदुरुस्त आणि निरोगी ठेवण्यासाठी, कठोर परिश्रम आणि समर्पणासह, योग्य आहार आणि व्यायाम करावा लागेल. पण बऱ्याच वेळा लोकांना ही गोष्ट समजत नाही आणि असे वाटते की जास्त व्यायाम केल्याने शरीर जलद आणि चांगली बॉडी बनू शकते. कदाचित या व्यक्तीने असेच काहीतरी विचार केला असेल, ज्याच्या एका भयंकर चुकीचा व्हिडिओ सोशल मीडियावर व्हायरल झाला आहे.

सूरतच्या गोल्ड जिममधला आहे व्हिडिओ

सूरतच्या गोल्ड जिमचा एक व्हिडिओ इंटरनेटवर सध्या व्हायरल होत आहे. ज्यामध्ये एक व्यक्ती जिमच्या आत तब्येत ठीक नसतानाही इकडे-तिकडे फिरत आहे. अस्वस्थ अवस्थेत ही व्यक्ती कधी पायऱ्यांवर बसून तर कधी टेहाळणी करत आहे. मग अचानक ती व्यक्ती पडते आणि बेशुद्ध होते. असे म्हटले जाते की या 33 वर्षीय व्यक्तीचे जास्त व्यायाम केल्यामुळे हार्ट फेल झाले. ही संपूर्ण घटना जिममध्ये लावलेल्या सीसीटीव्ही कॅमेऱ्यात कैद झाली आहे.

अंगावर शहारे आणणारा व्हिडिओ

जिमचा हा व्हिडिओ सोशल मीडियावर प्रचंड व्हायरल होत आहे. हा व्हिडीओ इन्स्टाग्रामवर giedde नावाच्या अकाऊंटवर शेअर करण्यात आला आहे. लोक ही व्हिडिओ क्लिप केवळ एकमेकांसोबत शेअर करत नाहीत तर त्यावर वेगवेगळ्या प्रकारच्या कमेंट्स आणि प्रतिक्रिया देखील देत आहेत. हा व्हिडिओ पाहून केवळ नियमित व्यायाम करणारे लोकच घाबरले नाहीत, तर तज्ज्ञ आणि जिम प्रशिक्षक देखील लोकांना त्यांच्या शरीराप्रमाणे व्यायाम करण्याचा आणि थकल्यासारखे वाटू नये किंवा जास्त व्यायाम करू नये असा सल्ला देत आहेत. हा व्हिडीओ खरोखरच अंगावर शहारे आणणारा आहे. (What happens when you workout more than necessary, see the viral video)

इतर बातम्या

Breaking : अनिल देशमुखांचे जावई गौरव चतुर्वेदी सीबीआयच्या ताब्यात, कुटुंबियांकडून अपहरणाचा आरोप

Breaking : राज्यपाल नियुक्त आमदारांबाबतची कोंडी फुटणार? मुख्यमंत्री उद्धव ठाकरे राज्यपालांच्या भेटीला