NPS च्या या योजनांमध्ये 6 महिन्यात 20 टक्क्यांपेक्षा अधिक परतावा, वाचा तुम्हीही कसा नफा मिळवू शकता

प्रातिनिधीक फोटो

मुंबई : निवृत्तीनंतरचं भविष्य सुरक्षित असावं म्हणून आत्तापासूनच गुंतवणूक करणं आवश्यक असतं. तुम्हालाही भविष्यात उपयोगी पडेल अशा योजनेत गुंतवणूक करायची असेल तर तुमच्यासाठी सुरक्षित परतावा देणाऱ्या अशा काही योजना पाहुयात. तुम्हीही आतापासूनच या नफा मिळवून देणाऱ्या योजनेत गुंतवणूक करु शकता. यासाठी सरकारी संस्था राष्ट्रीय पेंशन प्रणाली (NPS) योजना खूप चांगला पर्याय आहे. या योजनांनी गुंतवणुकदारांना मागील 6 महिन्यात जवळपास 21.78 टक्के परतावा दिलाय. या योजना खालीलप्रमाणे (List of NPS schemes which gives more than 20 percent return on investment within 6 months),

1. एलआयसी पेंशन फंड

एनपीएस योजनांच्या परतावा आकडेवारीनुसार, 31 मे 2021 पर्यंत गुंतवणुकदारांना एलआयसी पेंशन फंड टियर -1 मध्ये 23.03 टक्के परतावा मिळालाय. तसेच योजना ई टिअर -2 मध्ये मागील 6 महिन्यात 22.82 टक्के चांगला परतावा मिळाला.

2. एचडीएफसी पेंशन फंड

मागील 6 महिन्यात एचडीएफसी पेंशन फंड स्कीम टियर-1 मध्ये 21.35 टक्के आणि टियर-2 मध्ये 21.23 टक्के परतावा मिळाला. वॅल्यू रिसर्चच्या अहवालानुसार, एचजीएफसी पेंशन फंड आता एलआयसी पेंशन फंडपासून काही पावलंच दूर आहे.

3. यूटीआय सेवानिवृत्ती समाधान निधी

एनपीएस स्कीम अंतर्गत यूटीआय रिटायरमेंट सॉल्यूशन फंड स्कीमने गुंतवणुकदारांना टियर-1 मध्ये 21.97 टक्के, तर टियर-2 मध्ये 23.07 टक्के परतावा दिलाय.

4. आयसीआयसीआई पेंशन फंड

मागील 6 महिन्यांमध्ये मे 2021 पर्यंत आयसीआयसीआय पेंशन फंड स्कीमने ई टियर -1 मध्ये 21.44 टक्के परतावा दिलाय. टियर -2 मध्ये या योजनेने 21.34 टक्क्यांचा परतावा दिलाय.

5. एसबीआय पेंशन फंड

या योजनेने टियर -1 मध्ये 19.78 टक्के आणि टियर -2 मध्ये 21.75 टक्के परतावा दिलाय.

एनपीएसमध्ये गुंतवणूक कशी करावी?

नॅशनल पेंशन प्रणाली (एनपीएस) सरकारची एक महत्वपूर्ण योजना आहे. ही योजना लोकांना निवृत्तीनंतरच्या काळासाठी बचत करण्यासाठी मदत करते. गुंतवणुकीसाठी टियर-1 आणि टियर-2 अकाऊंटमध्ये नियमितपणे कॉन्ट्रिब्‍यूशन करण्याचे दोन पर्याय असतात. एनपीएसच्या पैशांचं व्यवस्थापन स्‍वतंत्र पोर्टफोलियो मॅनेजर करतात. असं असलं तरी गुंतवणुकदार यात ऑनलाइन बदल करु शकतात.

एनपीएस टियर-1 अकाउंटमध्ये निवृत्तीनंतर एकूण रकमेच्या 60 टक्के भाग एकरकमी विनाकर घेऊ शकता. बाकी 40 टक्के पैशांतून आजीवन पेंशन घेऊ शकता. टियर-2 एक प्रकारचा गुंतवणूक प्लॅन आहे. त्यामुळे त्यातून गरजेप्रमाणे केव्हाही पैसे काढता येतात.

हेही वाचा :

विमा पॉलिसी घेताना चुकूनही करु नका ‘या’ 5 चुका, नाहीतर होईल मोठे आर्थिक नुकसान

45 व्या वर्षापर्यंत 5 कोटी रुपयांची बचत हवीये? SIP मध्ये किती गुंतवणूक कराल?

पोस्ट ऑफिस की बँक, कुठे होतील पैसे झटपट दुप्पट, जाणून घ्या

व्हिडीओ पाहा :

List of NPS schemes which gives more than 20 percent return on investment within 6 months