आता बिलाची चिंता न करता चालवा दिवस रात्र सोलर एसी; जाणून घ्या याची किंमत आणि इतर माहिती
जर तुम्ही वाढत्या वीज बिलांमुळे किंवा वारंवार वीज कपातीमुळे त्रस्त असाल, तर बाजारात अशी काही उत्पादने आहेत जी तुमची समस्या सोडवू शकतात. वास्तविक, विजेशिवाय चालणारे एअर कंडिशनर बाजारात उपलब्ध आहेत, ज्याचा तुम्हाला खूप उपयोग होऊ शकतो.
उन्हाळा आला की, अनेकांना एअर कंडिशनर (Air conditioner) म्हणजेच एसीची गरज भासू लागते. विशेषत: शहरांमध्ये राहणाऱ्या लोकांना एसीसाठी खूप पैसा खर्च करावा लागतो. पैसे खर्च करण्याची प्रक्रिया इथेच संपत नाही, तर इथून सुरू होते. यानंतर लोकांना एसी बिल आणि मेन्टेनन्समध्येही (maintenance too) मोठा खर्च करावा लागतो. अशा परिस्थितीत सर्वात मोठा त्रास होतो तो वीज बिलाचा. वास्तविक, रात्र अन् दिवस एसी चालवल्यामुळे लोकांचे वीज बिल खूप वाढते. जिथे एसी नसलेल्या लोकांचे वीज बिल एक ते दोन हजार रुपये येत होते, तिथे एसी वापरल्यास ते 5 हजार किंवा त्याहून अधिकही येते. तुम्हाला असे उत्पादन सापडले तर तुम्ही काय कराल, ज्यामुळे या विज बिलातून कायमची सुटका होईल. होय आज आम्ही तुम्हाला अशा वीज न वापरता चालणाऱ्या ‘सोलर एसी’ (Solar AC) बाबत माहिती देणार आहोत. (Now run without worrying about the bill day and night solar AC know its price and other information)
‘सोलर एसी’ म्हणजे काय?
सोलर एसी किंवा सोलर एअर कंडिशनर हा असा एसी आहे, जो सौर उर्जेमुळे म्हणजेच सूर्यप्रकाशामुळे काम करतो. या प्रकारचे एसी विजेवर चालण्याऐवजी सौर पॅनेलमधून निर्माण होणाऱ्या सौरऊर्जेवर काम करतात. सोलर एसी देखील इतर एसी प्रमाणे काम करतात, परंतु त्यांच्याकडे अधिक उर्जा पर्याय आहेत. तुम्ही साधारण एअर कंडिशनर फक्त विजेने चालवू शकता, तर तुम्ही सोलर एसी तीन प्रकारे वापरू शकता. तुम्ही ते सोलर पॉवर, सोलर बॅटरी बँक आणि इलेक्ट्रिक ग्रिडमधून चालवू शकता.
काय आहे किंमत ?
सोलर ऊर्जेवर चालणारी उत्पादने बाजारात फारच कमी उपलब्ध आहेत, परंतु काही वेबसाइटवर त्यांची यादी आहे. सामान्य एसीप्रमाणेच सोलर एसीची किंमतही त्याच्या क्षमतेवर अवलंबून असते. सरासरी सोलर एसीसाठी तुम्हाला सुमारे 99 हजार रुपये खर्च करावे लागतील. केनब्रुक सोलरनुसार, तुम्हाला एक टन क्षमतेच्या सोलर एसीसाठी सुमारे 99 हजार रुपये खर्च करावे लागतील, तर 1.5 टन क्षमतेच्या एसीसाठी तुम्हाला 1.39 लाख रुपये खर्च करावे लागतील. (Now run without worrying about the bill day and night solar AC know its price and other information)
