Heart Attack: क्रिकेट खेळताना हृदयविकाराचा झटका, जागीच झाला मृ्त्यू

तरुणवयाच हृदयविकाराचे झटके येऊन मृत्यू होण्याच्या घटना अलिकडे वाढलेल्या आहेत. अशाच प्रकारे जालना येथे नाताळ निमित्त क्रिकेटचे सामने सुरु असताना एका तरुणाला खेळताना क्रिजवरच हॉर्ट अटॅक आल्याची खळबळजनक घटना घडली आहे. या घटनेनंतर या तरुणाला रुग्णालयात नेण्यात आले. त्यानंतर डॉक्टरांनी त्याला तपासून मृत घोषीत केले आहे. या तरुणाचे नाव विजय पटेल असे असून येथे त्याची सासुरवाडी असून अनेक नातेवाईक देखील राहतात. विजय पटेल मुंबईला राहाणारा आहे. तो सुट्टी निमित्त सासुरवाडीला आला होता अशी माहिती ग्रामस्थांनी दिली आहे. अलिकडे तरुण वयातच हार्ट अटॅक येऊन मृत्यू होण्याच्या घटना वाढतच आहेत. बदलत्या जीवनशैलीमुळे शरीराकडे लक्ष देण्यासाठी कोणाला वेळ नसल्याने अशा घटना वारंवार घडत आहेत.