केंद्राच्या कांदा निर्यात बंदीने शेतकऱ्यांच्या भावना तीव्र, शेतकऱ्यांचा खर्चही निघेना

नाशिक | 27 डिसेंबर 2023 : केंद्र सरकारने अचानक कांद्यावरील निर्यात बंदी लागू केली आहे. त्यामुळे कांद्याला भाव मिळेनासा झाला आहे. केंद्राच्या निर्यात बंदीचा निर्णय घेण्याआधी सरासरी चार ते पाच हजार प्रति क्वींटल कांद्याचे भाव होते. मात्र केंद्राच्या निर्णयानंतर कांद्याच्या भावामध्ये प्रति क्वींटल 60 ते 70 टक्के घसरण झाली आहे. गाडी वाहन चाळीस रुपये भाडे आहे. आज कांद्याला हजार-बाराशे भाव मिळाला आहे. नवीन वर्षे शेतकऱ्यांसाठी चांगले जाईल अशी आशा होती. परंतू आता केंद्राच्या निर्णयाने शेतकऱ्यांच्या जखमेवर मीठ चोळण्याचे काम केले आहे. आमचं भाडे देखील वसुल होईना अशी परिस्थिती निर्माण झाली आहे. त्यामुळे केंद्राने तातडीने कांद्यावरील निर्यात बंदी उठवावी अशी मागणी शेतकऱ्याने केली आहे. अन्यथा शेतकऱ्यांना जीवन संपविणे भाग पडेल यास सर्वस्व मोदी सरकार जबाबदार असेल असे शेतकऱ्यांनी म्हटले आहे.