मुख्यमंत्री माझी लाडकी बहीणमुळे इतर योजनांचे पैसे 3 महिन्यांपासून बंद असल्याचे म्हणत विरोधी पक्ष नेते आणि काँग्रेसचे नेते विजय वडेट्टीवार यांनी सरकारवर आरोप केला आहे. तर विजय वडेट्टीवार यांनी सरकारवर केलेल्या आरोपांवर मंत्री छगन भुजबळ यांनी प्रत्युत्तर दिलं आहे. सर्व योजनांना पैसे मिळणार असल्याचे म्हणत प्राधान्य पाहून योजनांना निधीचे वाटप केले जाणार असल्याचे आश्वासन छगन भुजबळ यांनी दिलं इतकंच नाहीतर आजच काय तर काँग्रेस काळातही दोन दोन वर्ष सरकारी योजनांचे पैसे रखडायचे असे म्हणत छगन भुजबळ यांनी विजय वडेट्टीवार यांच्या सरकारवरील आरोपांवर बोलताना जोरदार हल्लाबोल केला आहे. तर काँग्रेस काळातही दोन वर्ष पैसे रखडायचे तर इतर योजनांचे पैसे रखडल्याचे सांगत छगन भुजबळांनी अप्रत्यक्षपणे कबुलीच दिली आहे.