मराठा आरक्षणासाठी लढा देणारे मनोज जरांगे पाटील आणि कृषीमंत्री धनंजय मुंडे यांची मध्यरात्री भेट झाली आहे. तर आज मुंडेंच्या परळी मतदारसंघात मनोज जरांगे पाटील हे घोंगडी बैठक घेणार आहेत. आज होणाऱ्या घोंगडी बैठकीपूर्वी मनोज जरांगे पाटील यांनी धनंजय मुंडे यांची भेट घेतली होती, अशी माहिती समोर आली होती. तर विरोधात कोणताही भूमिका घेऊ नये म्हणून मुंडेंची मनोज जरांगे पाटील यांच्यासोबत बोलणी सुरू आहे का? असा सवाल सध्या केला जात आहे. दरम्यान, गेल्या लोकसभा निवडणुकीत भाजप नेत्या आमदार पंकजा मुंडे यांना चांगलाच फटका बसला होता त्यामुळे विधानसभा निवडणुकीसाठी धनंजय मुंडे खबरदारी घेतायत का? असा सवाल उपस्थित करत सध्या राजकीय वर्तुळात चर्चा सुरू आहे.