गोपीचंद पडळकर पुन्हा पवार कुटुंबावर बरसले, ‘रोहित पवार छोटे पिल्लू…’, माझ्यावर कधीही हल्ला…’

धाराशिव : 12 ऑक्टोबर 2023 | भाजप आमदार गोपीचंद पडळकर यांच्या धनगर जागर यात्रेला सुरुवात झालीय. धाराशिव येथील सभेत बोलताना आमदार पडळकर यांनी पुन्हा एकदा शरद पवार यांच्यावर टीका केलीय. धनगर जागर यात्रा काढणार म्हटल्यावर लबाड लांडग्यांच्या पिलावळीने लगेच अफवा उठवायला सुरुवात केली. एकीकडे नातू आणि मुलगी म्हणते, धनगर समाजाला आरक्षण मिळावे. मात्र, शरद पवार आदिवासी मेळाव्यात जाऊन म्हणतात की आदिवासी समाजाच्या आरक्षणात कोणालाही घुसू देणार नाही. म्हणजे पवार हे दोन्हीकडून बोलत आहेत. चौडी येथे लबाड लांडग्याचे छोटे पिल्लू आमदार झाल्याने पहिल्यांदा 2022 ला राजकारण झाले. दगडफेक गाडीवर केली तरी मी थांबलो नाही. माझं काही बर वाईट होऊ शकतो. हल्ला होऊ शकतो. पण, मी भीत नाही. काही झाले तर ही आरक्षण चळवळ हातात घ्या असे ते म्हणाले.