कुणीही यावं, लोकसभा निवडणूक माझ्यासाठी वन वे. प्रतिस्पर्धीच नाही, ‘या’ खासदाराचा मोठा दावा

पंढरपुर : 8 ऑक्टोबर 2023 | शरद पवार जर माढ्यातून लढणार असते तर मला खूप आनंद झाला असता. परंतु पवार माढ्यातुन लढणार नाहीत अशी घोषणा खासदार सुप्रिया सुळे यांनी केल्यामुळे भविष्यात मला माढा लोकसभा वन वे आहे, असा दावा खासदार रणजित नाईक निंबाळकर यांनी केलाय. सध्या माढा लोकसभेतुन मला कोणीही प्रतिस्पर्धी दिसत नाही असेही ते म्हणाले. खासदार सुप्रिया सुळे यांनी पार्टीचे ए .एस म्हणजे अमित शहा यांनी खच्चीकरण केल्याचा आरोप केला होता. त्याला उत्तर देताना ते म्हणाले, भाजप नेते अमित शहा यांनी शरद पवारांच्या राष्ट्रवादीची नॅनो पार्टी केलीय आणि जी भाजपा नॅनो पार्टी होती ती आता जगात मोठी पार्टी झाली आहे.