मनोज जरांगे पाटील यांना आज संभाजीनगर येथील गॅलेक्सी हॉस्पिटलमधून डिस्चार्ज देण्यात आला. त्यानंतर मनोज जरांगे पाटील हे बीड जिल्ह्यातील चाकरवाडी येथे होणाऱ्या एका धार्मिक सप्ताहास भेट देण्यासाठी रवाना झालेत. मात्र जरांगे पाटील यांना प्रवास करताना त्रास होत असल्याचे जाणवले आणि त्यांनी पुन्हा उपचार घ्यायला लागणार असल्याचे म्हटले. तर येत्या ६ जुलैपासून ते १३ जुलै पर्यंत मराठवाड्यातील प्रत्येक जिल्ह्याच्या ठिकाणी मराठा समाजाशी संवाद साधणार, असल्याचीही माहिती मनोज जरांगे पाटील यांनी दिली. सगेसोयऱ्यांचा कायदा कोर्टात टिकणारच नसल्याचे वक्तव्य गिरीश महाजन यांनी केलं होतं. यावरूनही जरांगेंनी गिरीश महाजन यांना फटकारलं. तुम्हाला आमचे वाटोळे करायचे आहे काय? असा सवाल करत ते म्हणाले, मग न्यायाधीश कशाला पाठवले होते. त्यावेळी सगळे सोयरे आणि सर्व विषयावर मार्गी लागतील असे सांगायचे, आम्हाला सग्या-सोयऱ्याची जी व्याख्या दिली आहे त्याप्रमाणे आरक्षण पाहिजे.