जरांगे पाटील यांचा देवेंद्र फडणवीस यांच्यावर खळबळजनक आरोप, ‘तर माझा एन्काऊंटर…’

जालना | 25 फेब्रुवारी 2024 : मराठा समाजाला आरक्षण मिळण्यासाठी उपोषण करुन आंदोलन करणारे मनोज जरांगे पाटील यांनी राज्याचे उपमुख्यमंत्री, गृहमंत्री देवेंद्र फडणवीस यांच्या गंभीर आरोप केला आहे. आपल्या गेले काही दिवस बदनाम करण्यामागे देवेंद्र फडणवीस यांचा बामणीकावा आहे. परंतू हा मराठा तुम्हाला पुरुन उरेल असे आव्हान मनोज जरांगे यांनी केले आहे. मनोज जरांगे यांच्यावर अजय महाराज बारसकर यांनी गेले काही दिवस आरोप करणे सुरु केले आहे. त्यामुळे जरांगे पाटील यांनी आज ( रविवार 24 फेब्रुवारी ) सकाळी आपली भूमिका जाहीर करणार असे म्हटले होते. यानंतर आज जरांगे पाटील यांनी देवेंद्र फडणवीस आपल्याला सलाईनमधून विष देऊन मारण्याचा प्रयत्न करतील असा आरोप केला आहे. माझा एक तर एन्काऊंटर देखील करण्याचा प्रयत्न केला जाईल असाही आरोप जरांगे पाटील यांनी केला आहे. आपला जर बळी घ्यायचा असेल तर आपण सागर बंगल्यावर आताच यायला तयार आहे असे सांगत जरांगे पाटील यांनी पायी चालत जाण्याचा निर्णय घेतला आहे.