हर्षवर्धन यांची नाराजी दूर होणार का? फडणवीस यांच्या सागर बंगल्यावर बैठक

मुंबई : बारामतीत अजितदादांच्या पत्नी सुनेत्रा पवार या लोकसभेसाठी उभ्या राहणार आहेत. त्यामुळे त्यांच्या निवडणूकीत दगाफटका होऊ नये म्हणून इंदापूरचे भाजपा नेते हर्षवर्धन पाटील यांची मनधरणी करण्यात येणार आहे. हर्षवर्धन पाटील यांनी आपल्याला राष्ट्रवादी कॉंग्रेसच्या स्थानिक पदाधिकाऱ्यांकडून शिवीगाळ आणि धमक्या येत असल्याची तक्रार गृहमंत्री देवेंद्र फडणवीस यांच्याकडे केली होती. त्यामुळे आता इंदापूरातील भाजप नेते हर्षवर्धन पाटील यांची नाराजी दूर करणे गरजेचे बनले आहे. यासाठी देवेंद्र फडणवीस यांच्या सागर बंगल्यावर दुपारी फडणवीस आणि हर्षवर्धन पाटील यांच्यात दुपारी साडे तीन वाजता बैठक होणार आहे. काही दिवसांनी इंदापूरात देवेंद्र फडणवीस मेळाव्याला उपस्थित राहणार असल्याचे सांगण्यात येते. हर्षवर्धन पाटील यांची कन्या अंकिता पाटील यांनीही जे आम्हाला विधान सभेत मदत करतील त्यांनाच आम्ही लोकसभेत मदत करु असे म्हटले होते. या पार्श्वभूमीवर ही बैठक महत्वाची असल्याचे म्हटले जात आहे.