पुणे अपघातावरून सामाजिक कार्यकर्त्या अंजली दमानिया यांनी अजित पवार यांची नार्को टेस्ट करा, अशी मागणी केली होती. यानंतर अजित पवार यांच्या राष्ट्रवादीचे प्रवक्ते सूरज चव्हाण यांनी अंजली दमानिया यांच्यावर बोचरी टीका केली आहे. रिचार्जवर चालणारी बाई… असे म्हणत अंजली दमानियांवर टीका केली. रिचार्जवर चालणारी बाई अशी टीका सूरज चव्हाण यांनी केल्यानंतर त्यांचा भडका उडाला. ‘अजित पवार आज प्रचंड राग आलाय. तुमच्या पक्षातील सूरज चव्हाण इतक्या खालच्या पातळीचे स्टेटमेंट करतात? शी आज मला त्या सूरज चव्हाणने रिचार्चवर चालणारी बाई म्हटलं.. मला? मी काय आहे आणि किती सिद्धांतावर जगते हे तुमच्यापेक्षा चांगले कुणालाच माहिती नसेल.. ते तुम्ही त्यांना सांगा… मग त्यांच्या डोक्यात प्रकाश पडेल. मला यावर तुमची ताबडतोब प्रतिक्रिया आणि त्यांच्याकडून लिखित स्वरूपात माफी हवी आहे. ‘, असं अंजली दमानियांनी म्हटले. तर नार्को टेस्टचं आव्हान स्वीकारत अजित पवार यांनी अंजली दमानिया यांना सडेतोड उत्तर दिलंय.