विक एंडचा आनंद लुटण्यासाठी निघताय तर आधी पुणे-मुंबई द्रुतगती मार्गावरील वाहतूक अपडेट घ्याच

बोरघाट, लोणावळा : विकेंडसाठी लोणावळा, महाबळेश्वर या ठिकाणी जाण्यासाठी अनेकांनी प्लँन ठारवलेला असेल. त्यासाठी लगबगीनं पुणे- मुंबई द्रुतगती मार्गावर देखील असतील. पण याचाच वापर अनेकांना करावा लागत असल्यानेच येथे वाहतूक संथगतीने होताना कायम दिसत. आताही येथे काही असाच प्रकार सुरू आहे. विकेंड आल्यामुळे पुणे- मुंबई द्रुतगती महामार्गावरील बोरघाटात वाहतूक संथ गतीने सुरू आहे. बोरघाटातील अमृतांजन पुलाजवळ वाहनांच्या रांगाच्या रांगा लागलेल्या दिसतायेत. तर विक एंडचा आनंद लुटण्यासाठी आणि आपापल्या गावी जाण्यासाठी मुंबईकर बाहेर पडलेत, परिणामी द्रुतगती मार्गावर ताण पडलेला आहे. दरम्यान काल रात्री ही अशीच वाहतूक कोंडी पाहायला मिळाली होती. तर आता बोरघाटात महामार्ग पोलिस रस्त्यावरील वाहतूक सुरळीत करण्याचे प्रयत्न करत आहेत.