'या' आमदारांना व्हायचंय खासदार, अमोल कोल्हे यांना देणार तगडी फाईट

‘या’ आमदारांना व्हायचंय खासदार, अमोल कोल्हे यांना देणार तगडी फाईट

| Updated on: Jun 07, 2023 | 10:14 PM

अमोल कोल्हे यांच्याविरोधात निवडणूक लढविण्यास तयार आहोत. निवडणुकीत हा मतदारसंघ भाजपकडेच येणार आहे आणि पंतप्रधान नरेंद्र मोदी यांचे हात भक्कम करण्यासाठी भाजप उमेदवार निवडून आणणारच...

शिरूर : काही दिवसांपूर्वी माजी आमदार विलास लांडे यांनी मी शिरूर लोकसभा निवडणूक लढवावी अशी कार्यकर्त्यांची आग्रही भूमिका आहे. शेवटी पक्ष कोणाला उमेदवारी द्यायची ठरवेल. पक्ष जो कोणी उमेदवार असेल त्याचं मी काम करेल, असे सांगत खासदारकी लढविण्यासाठी आपण इच्छुक असल्याचा संदेश पक्ष नेतृत्वापर्यत पोहोचविण्यात यशस्वी झाले. मात्र, आगामी लोकसभा निवडणुकीसाठी शिरूरचे राष्ट्रवादीचे खासदार डॉ. अमोल कोल्हे यांचे नाव जवळपास निश्चित करण्यात आले आहे. तर, अमोल कोल्हे यांच्याविरोधात भाजपचा उमेदवार कोण हे अदयाप निश्चित झाले नाही. अशातच आता भाजपचे आमदार महेश लांडगे यांनी मोठे विधान केलंय. अमोल कोल्हे यांच्याविरोधात निवडणूक लढविण्यास तयार आहोत. निवडणुकीत हा मतदारसंघ भाजपकडेच येणार आहे आणि पंतप्रधान नरेंद्र मोदी यांचे हात भक्कम करण्यासाठी भाजप उमेदवार निवडून आणणारच असे आमदार लांडगे म्हणाले. तसेच, पक्षाने संधी दिल्यास मी निवडणूक लढविणार असेही आमदार महेश लांडगे यांनी स्पष्ट केलं.

Published on: Jun 07, 2023 10:14 PM