Nilesh Rane On Thackeray | उद्धव ठाकरे यांनी फुटलेला पेपर सोडवला, निलेश राणे यांचा ठाकरे यांच्या मुलाखतीवर शाब्दिक हल्ला

Nilesh Rane On Thackeray | उद्धव ठाकरे (Udhav Thakeray) यांची मुलाखत स्क्रिप्टेड असून त्यांनी फुटलेला पेपर सोडवल्याची जहरी टीका भाजप नेते निलेश राणे (Nilesh Rane) यांनी केली. संजय राऊत (Sanjay Raut) यांनी पत्रकारीतेची कौशल्य वापरत आगळेवेगळे प्रश्न विचारले आणि त्याला उद्धव ठाकरे यांनी ही तितकीच जबरदस्त उत्तरे दिली असं काहीच झालेलं नाही. ही नियोजीत आणि स्क्रिप्टेड मुलाखत (Interview) असल्याचा घणाघात त्यांनी यावेळी केला. उद्धव ठाकरे यांची दोन दिवसांपूर्वी संजय राऊत यांनी मुलाखत घेतली होती. त्या मुलाखतीत बंडखोर आणि भाजपवर टीकास्त्र डागण्यात आले होते. त्याआधारे निलेश राणे यांनी ही टीका केली आहे. ही प्रश्न उत्तरे महाराष्ट्राला (Maharashtra) पाठ झाली आहेत. छाती, तलवार यांच्या पलिकडे ते जात नाहीत. त्यांची मर्यादा तेवढीच आहे. जनतेतून निवडून आलेल्या आमदारांना ठाकरे हे पालापाचोळा म्हणतात, पण उद्धव ठाकरे कुठून जनतेतून निवडून आलेत. मग त्यांना काय म्हणावं, असा सवाल ही निलेश राणे यांनी विचारला.