Video | सारंगखेडा घोडेबाजारात थंडी बाधू नये म्हणून घोड्यांची घेतली जाते विशेष काळजी

नंदूरबार | 28 डिसेंबर 2023 : सारंगखेडा घोड्यांचा बाजार जगभरात प्रसिद्ध आहे. यंदा या बाजारात तीन हजाराहून अधिक घोडे विक्रीसाठी आले आहेत. परंतू वाढत्या थंडीचा या मुक्या प्राण्यांना होत आहे. तापी नदीच्या किनारी हा बाजार भरत असल्याने घोड्यांना थंडीचा बाधा होऊ नये म्हणून विषेश काळजी घेतली जात आहे. हिवाळ्यात घोड्यांना थंडी वाजू नये यासाठी मसाल्यांचा खुराकही दिला जात आहे. या देशी मसाल्यामुळे त्यांना उब मिळते. या घोड्यांच्या देखभालीसाठी खास रात्रपाळीत कामगार नेमण्यात येत आहेत. या घोड्यांना थंडी वाजू नये म्हणून त्यांना गरम कापडाची झुळ अंगावर पांघरली जाते. घोड्यांना चणे, चण्यांची चुनी, मका, बाजरी असा खुराक दिला जात आहे. या घोड्यांना सकाळी थंडी असल्याने उन्हं पडल्यानंतर रायडींगसाठी बाहेर काढले जात असल्याचे घोड्यांचे मालकांनी म्हटले आहे. घोड्यांचे लसीकरण देखील केले जात आहे. त्यामुळे घोड्यांची अगदी माणसांप्रमाणे केली जात आहे.