चांगल्या कमाईसाठी मशरुमपासून बनवा पापड, चिप्स आणि लोणचे, दीर्घकाळ टिकतील हे पदार्थ

नवी दिल्ली : भारतात मशरूम लागवडीकडे शेतकऱ्यांचा कल वाढला आहे. आज मोठ्या संख्येने शेतकरी मशरूमचे उत्पादन घेत आहेत. पारंपारिक शेतीच्या तुलनेत कित्येक पटीने जास्त उत्पन्न मिळत असल्यामुळे मशरूम शेती शेतकऱ्यांना भुरळ घालू लागली आहे. शेतकरी आता मशरूममधून विविध उत्पादने बनवू आणि विकू शकतात, ज्यामुळे त्यांची कमाई देखील वाढेल. कृषी विज्ञान केंद्र आणि विविध कृषी विद्यापीठांमध्ये वेळोवेळी प्रशिक्षण कार्यक्रम आयोजित केले जातात, जेथे शेतकरी जाऊन प्रशिक्षण घेऊ शकतात आणि याचा उपयोग आपली कमाई वाढविण्यासाठी करु शकतात. (Make papad, chips and pickles from mushrooms for a good income)

वास्तविक मशरूम आता आपल्या आहारातील एक भाग बनला आहे. गेल्या 60 वर्षांपासून देशात मशरूमचे उत्पादन केले जात आहे. त्याआधी मशरूमचे उत्पादन केले जात नव्हते. परंतु याचे जंगली वाण पीकांच्या अवशेषांवर वाढत असत. मशरूममध्ये असलेले प्रथिने, जीवनसत्त्वे, फायबर, लोह, जस्त आणि पोटॅशियम आपल्या शरीरातील पोषक तत्वांची कमतरता भरुन काढते, ज्यामुळे शरीराची प्रतिकारशक्ती वाढते आणि आपल्याला रोगांपासून संरक्षण मिळते. परंतु यासाठी मशरूमचे नियमित सेवन आवश्यक आहे.

प्रक्रिया केलेले मशरूमही विकत आहेत शेतकरी

देशात वाढत्या मागणीमुळे उत्पादनही वाढले आहे. आता आपल्याला बाजारात सहजपणे मशरूम उपलब्ध असतात. परंतु आजही देशाचा एक मोठा भाग प्रत्येक हंगामात मशरूम खाऊ शकत नाही. कारण तेथे हे उपलब्ध नसते. या कारणास्तव, त्या भागात मशरूमचा वाळलेला किंवा पॅक केलेला फॉर्म वापरला जातो. आपल्यापर्यंत पोहोचणारे पॅकेटमध्ये किंवा वाळलेले मशरुम प्रत्यक्षात प्रक्रिया केलेले असतात.

प्रक्रियेद्वारे अन्नपदार्थ अनेक रूपांमध्ये वापरण्यायोग्य बनते. तसेच या पद्धतीनमुळे उत्पादने बर्‍याच काळासाठी टिकवून खाता येते. जेथे मशरुम उपलब्ध होत नाहीत तिथे मशरूमची प्रक्रिया केलेली उत्पादने विक्री केली जातात. जिथे मशरुम उपलब्ध असते तिथे लोकांना केव्हाही ते सहज उपलब्ध होऊ शकते, यासाठी प्रक्रिया केलेले उत्पादन देखील बनविले जाते.

सर्व पोषक तत्वांनी समृद्ध मशरूम दीर्घकाळासाठी खाण्यास सक्षम नसतात. या कारणास्तव, त्यावर प्रक्रिया करणे आवश्यक आहे. मशरूममध्ये 85 ते 90 टक्के पाणी असते, ज्यामुळे ते लवकर खराब होते. यामुळे मशरूम उत्पादकांना बर्‍याचदा नुकसान सहन करावे लागते.

मशरूमला लवकर खराब होण्यापासून वाचवण्यासाठी हे आवश्यक

– मशरूम तोडताना हलक्या हाताने फिरवून तोडा. – मशरूम कापताना माती लागलेली मूळे चाकूने कापून टाका. – कापलेले मशरूम 0.025 टक्के पोटॅशियम मेटाबिसल्फाईट सोल्यूशनमध्ये भिजवा. – भिजवल्यानंतर पंख्याखाली सुकू द्या. – पॅक करताना पॅकेटमध्ये छिद्र करा. आपण बाजारात पाठविलेल्या पॅकेटमध्ये पाच टक्के छिद्र करा. – स्टोअर पॅकेटमध्ये 0.5 टक्के छिद्र असावेत. – तापमान नियंत्रित वाहनातून मशरूम बाजारात पाठवा.

मशरूम प्रक्रिया उत्पादने

– मशरूम पावडर – मशरूम कुकीज – मशरूम पापड – मशरूम लोणचे – मशरूम ग्रुमिंग – मशरूम चीप्स (Make papad, chips and pickles from mushrooms for a good income)

गोपनीय माहिती, गर्लफ्रेंड/बॉयफ्रेंडसोबतचं चॅट सुरक्षित ठेवण्यासाठी वापरा WhatsApp चं भन्नाट फिचर#WhatsApp #Whatsappupdate #WhatsAppFeaturehttps://t.co/70rHiGdqW6

— TV9 Marathi (@TV9Marathi) May 11, 2021

इतर बातम्या

PHOTO | सौंदर्याची खाण, गायन, नृत्य ते मॉडेलिंग, सर्वच क्षेत्रात पारंगत, ‘या’ क्रिकेटपटूच्या पत्नीची जगभरात ख्याती

VIDEO| Cloudburst In Devprayag: देवप्रयागमध्ये ढगफुटी, ITI ची तीन मजली इमारत कोसळली, दुकानांचं नुकसान