Maruti Swift बाजारात आली दिमाखात! मायलेजच्या जोरावर इतर कारची होऊ शकते सुट्टी

Maruti Swift | मारुतीच्या नवीन स्विफ्टबद्दल बाजारात कमालीची उत्सुकता होती. आता ही नवीन दमदार कार बाजारात उतरली आहे. ही कार जपानमधील डीलर्सकडे पोहचली आहे. तिची जपानमधील कामगिरी भारतीय बाजारासाठी खास असणार आहे. मायलेजबाबत या कारने आशादायक चित्र निर्माण केल्याने इतर कारला आवाहन मिळू शकते.

KALYAN DESHMUKH | Updated on: Jan 16, 2024 | 10:57 AM

नवी दिल्ली | 16 जानेवारी 2024 : मारुतीची नवीन स्विफ्टचा भारतात अधिरतेने वाट पाहण्यात येत आहे. सध्या कंपनीने ही प्रतिक्षा जपानमध्ये तरी एकदाची संपवली आहे. जपानमधील डिलर्सकडे ही कार पोहचली आहे. सुझुकीने ही लोकप्रिय कार त्यांच्या डीलर्सकडे पोहचवली आहे. लवकरच ही कार जपानच्या रस्त्यांवरुन धावताना दिसेल. ही कार लवकरच भारतात पण लाँच होणार आहे. जपानमधील मारुती स्विफ्टसारखीच ही कार असण्याची शक्यता आहे. कंपनीने 4 थ्या जनरेशनची स्विफ्ट जपानमधील मोबिलीटी शो 2023 मध्ये उतरवली होती. जपानमध्ये ही कार पोहचल्याने आता भारतीय ग्राहकांची प्रतिक्षा पण संपणार आहे.

काय आहेत वैशिष्ट्ये

सुझुकीच्या 4 थ्या जनरेशनची स्विफ्ट खास आहे. यामध्ये अनेक जोरदार फीचर्स आहेत. नवीन हेडलँप, LED DRLs आणि फॉग लँप यांचा यामध्ये समावेश आहे. तर फ्रंट ग्रिलचे डिझाईन मागील कार प्रमाणेच आहे. यामध्ये स्पोर्टी लूक आणि फील मिळेल. नवीन डिझाईन ग्राहकांच्या पसंतीला पडेल. फ्रंट बंपर मेटेलिक एलिमेंटसह अपडेट करण्यात आले आहे. बंपरच्या डिझाईनमध्ये पण बदल करण्यात आला आहे. एकूणच लूक आकर्षक असल्याने पाहता क्षणीच ही कार ग्राहकांच्या मनात घर करण्याची शक्यता आहे.

हे सुद्धा वाचा

या कारमध्ये रिअर स्टँडर्ड डोअर हँडल देण्यात आले आहेत
अपडेटेड व्हर्जनमध्ये कंपनीने नवीन एलॉय व्हीलचा वापर केला आहे
ब्लॅक कलरचे पिलर्स आणि बॉडी कलर्स पूर्वी प्रमाणेच ठेवण्यात आले आहेत
मागील बाजून नवीन टेल लँप आहेत, त्याचा लूक हटके ठेवण्यात आला आहे
नवीन स्विफ्टमध्ये मोनोटोन आणि ड्युअल टोन शेड्स अशा कलरचा पर्याय आहे

अजून काय आहे खास

इंटिरिअरमध्ये पण बरेच बदल करण्यात आले आहे. डॅशबोर्ड, सेंटर कन्सोल, एसी वेंटमध्ये बदल करण्यात आला आहे. त्यामुळे वाहनधारकांना एकदम नवीन लूक आणि फ्रेश फील येतो. यामध्ये 9 इंचाची फ्री स्टँडिंग टचस्क्रीन इन्फोटेन्मेट सिस्टम देण्यात आले आहे. हे वायरलेस अँड्रॉईड ऑटो आणि एप्पल कारप्लेला सपोर्ट करते. यामध्ये एक नवीन ऑटो क्लायमेट कंट्रोल पॅनल आहे. त्यावर बलेनोचा प्रभाव दिसून येतो. एकूणच हे मॉडेल खास आहे.