Suzuki Alto Lapin: सुजुकी अल्टोचे लेटेस्ट मॉडलं लाँच; नविन लुक पाहून कारच्या प्रेमात पडाल
सुजुकी अल्टोचे हे नविन व्हर्जन जपानी बाजार पेठेत Suzuki Alto Lapin या नावाने लाँच झाले आहे. लॅपिन एलसी भारतात विकल्या जाणार्‍या अल्टोपेक्षा खूपच वेगळी आहे. या हॅचबॅक कारची रचना देखील अगदी अनोखी आहे. जपानी छोट्या कार प्रमाणे याचा लुक आहे. गोल आकाराचे हेडलाइट्स, चारही बाजूंना वाईड विंडो, साधी ग्रिल आणि बॉक्सी शेपमुळे या कारला शानदार असा रेट्रो लुक मिळाला आहे.
दिल्ली : सुजुकी अल्टो कारचे लेटेस्ट मॉडलं(Suzuki Alto Lapin) जपानच्या (Japan Automobile Market) मार्केटमध्ये लाँच झाले आहे. या कारचा नविन लुक पाहून कुणीही या कारच्या प्रेमात पडेल. सुजुकी कंपनीने अल्टो कारचे लेटेस्ट मॉडल रेट्रो लुक मध्ये लाँच केले आहे. ही एक कॉम्पॅक्ट हॅचबॅक कार(Hatchback Car) आहे. भारतामध्येही सुजुकी अल्टो कार चांगलीच लोकप्रिय आहे. यामुळे भारतीयांना अल्टोच्या नव्या रेट्रो लुकचीही प्रतिक्षा आहे.
सुजुकी अल्टोचे हे नविन व्हर्जन जपानी बाजार पेठेत Suzuki Alto Lapin या नावाने लाँच झाले आहे. लॅपिन एलसी भारतात विकल्या जाणार्‍या अल्टोपेक्षा खूपच वेगळी आहे. या हॅचबॅक कारची रचना देखील अगदी अनोखी आहे. जपानी छोट्या कार प्रमाणे याचा लुक आहे. गोल आकाराचे हेडलाइट्स, चारही बाजूंना वाईड विंडो, साधी ग्रिल आणि बॉक्सी शेपमुळे या कारला शानदार असा रेट्रो लुक मिळाला आहे.
बेस्ट फिचर्स
अल्टो लॅपिन एलसीच्या इंटीरियरही जबरदस्त आहे. यात अनेक प्रकारचे फीचर्स उपलब्ध आहेत. या कारच्या विंडो प्रवाशांचे अल्ट्राव्हायोलेट किरणांपासून 99 टक्के पर्यंत संरक्षण करू शकतात असा दावा कंपनीने केला आहे. ड्रायव्हर आणि पुढच्या प्रवासी सीटमध्ये हीटिंग कार्यक्षमता आहे. या कारमध्ये ऑटोमेटिक एअर कंडिशनर सिस्टीम, अॅडजस्टेबल ड्रायव्हर सीट आणि टिल्ट फंक्शनसह स्टीयरिंग व्हील देखील मिळते.
हाय टेक सपोर्ट
या कारमध्ये कीलेस एंट्री सिस्टीम आणि पुश बटण स्टार्ट आणि स्टॉप वैशिष्ट्ये देखील आहेत. डॅशबोर्डमध्ये रिव्हर्स पार्किंग कॅमेरासह Apple CarPlay आणि Android Auto सह 7-इंचाचा डिजिटल टच स्क्रीन डिस्प्ले आहे. ड्रायव्हर डिस्प्ले देखील डिजिटल आहे. या डिस्प्लेमध्ये मायलेज, श्रेणी आणि इतर वाहन संबंधित डेटा यासारखी माहिती दिसते.
जबरदस्त इंजिन
या कारमध्ये 660 cc 3-सिलेंडर पेट्रोल इंजिन देण्यात आले आहे. हे इंजिन फक्त CVT गिअरबॉक्ससह येते. या इंजिनमुळे 63 Bhp चे कमाल आउटपुट जनरेट होते.
किंमत आठ लाख रुपये
अल्टो लॅपिन एलसी जपानमध्ये 1.4 दशलक्ष येनच्या सुरुवातीच्या किमतीत लॉन्च करण्यात आली आहे. भारतीय मूल्यानुसार याची किंमत ज्याची किंमत अंदाजे 8 लाख रुपये आहे. ही कार 2-व्हील ड्राइव्ह आणि ऑल-व्हील ड्राइव्ह अशा दोन टाईपमध्ये येते. टॉप-स्पेस मॉडेलची किंमत भारतात 10 लाख रुपये आहे.
