कारसाठी अत्यंत उपयोगी आहे या ऍसेसरीज, तुमच्या कारमध्ये आहे काय?
रेन व्हिझर हा पूर्णपणे अॅक्सेसरीजचा भाग आहे. कोणत्याही कारमध्ये ती कारखान्यातून बसवून कंपनीकडून दिली जात नाही. पण ग्राहक बाहेरून हे सहज बसवून घेतात.
मुंबई : कारमध्ये काही अॅक्सेसरीज (car accessories) कार कंपन्यांकडून पुरवल्या जातात. यापैकी काहींना फॅक्टरी फिटिंग दिले जाते तर काही कार खरेदी केल्यानंतर फिट करता येतात. ते वॉरंटीवर परिणाम करत नाहीत तसेच ते खूप उपयुक्त असतात. आज आपण अशाच काही अॅक्सेसरीजची माहिती घेणार आहोत. या अॅक्सेसरीज कारला आकर्षक करतातच शिवाय उपयोगाच्या देखील आहेत.
रूफ रेल
बहुतेक SUV आणि MPV सेगमेंटच्या वाहनांना छतावरील रेलिंग असते. याला रूफ रेल म्हणतात, ज्यामुळे त्यांची उंचीही वाढते आणि त्यांचा लूकही चांगला होतो. परंतु प्रत्यक्षात त्यांचा योग्य वापर हा माल ठेवण्यासाठी वाहक लावण्यासाठी होतो.
बोनेट हुड
काही SUV आणि कारच्या बोनेटवर स्वतंत्र हुड बसवलेले असते. यामुळे कारचे सौंदर्य तर वाढतेच, शिवाय कारच्या इंजिनला अधिक हवाही मिळते. तसेच, याचा आणखी एक फायदा आहे की ते कारचे इंजिन लवकर थंड होण्यास देखील मदत करते.
बॅक स्पॉयलर
काही कारमध्ये ट्रंकच्या वर एक वेगळा भाग बसवलेला असतो. या भागाला स्पॉयलर म्हणतात. बहुतेक लोकांना असे वाटते की हे कंपन्या केवळ डिझाइन सुधारण्यासाठी किंवा देखावा सुधारण्यासाठी लागू करतात. पण कारला अधिक वायुगतिकीय बनवणे हे त्याचे खरे कार्य आहे. गाडी पुढे जात असताना समोरून येणारी हवा गाडीच्या खाली-वर जाते, त्यामुळे कार मागच्या बाजूने वर जाते. परंतु स्पॉयलर कारवर हवा विभाजित करतो, ज्यामुळे कार नियंत्रित करणे सोपे होते.
रेन व्हिझर
रेन व्हिझर हा पूर्णपणे अॅक्सेसरीजचा भाग आहे. कोणत्याही कारमध्ये ती कारखान्यातून बसवून कंपनीकडून दिली जात नाही. पण ग्राहक बाहेरून हे सहज बसवून घेतात. पावसाळ्यात गाडीच्या काचा थोड्याशा उघडल्या तर आत पाणी येते. पण ज्या गाड्यांमध्ये रेन व्हिझर बसवलेले असतात, तिथे विंडशील्ड हलके उघडले तरी पाणी आत जात नाही. त्याच वेळी वायुवीजन देखील राहते.
डीआरएल
डीआरएल सारखे फीचर्सही बहुतांश कारमध्ये देण्यात आले आहेत. त्याचा फायदा केवळ कारचा लूक वाढवण्यासाठीच नाही तर गाडी चालवताना त्याचा योग्य वापर केला जातो. दिवसभरातही समोरून येणारे वाहन अनेकांना दिसत नाही, पण डीआरएल सुरू असल्यास समोरून येणारे वाहन सहज दिसते. जेणेकरून तुम्ही कोणत्याही अपघातापासून सुरक्षित राहू शकता.
