Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Layoffs : Google मध्ये पुन्हा कपात, शेकडो कर्मचाऱ्यांना दाखवला बाहेरचा रस्ता

Layoffs : जानेवारी महिन्यात गुगलने 6 टक्के कर्मचाऱ्यांना बाहेरचा रस्ता दाखवला होता. गुगलमधील कर्मचाऱ्यांवर पुन्हा एकदा संकट कोसळले आहे. त्यांना कंपनीने नोकरीवरुन कमी केले आहे.

Layoffs : Google मध्ये पुन्हा कपात, शेकडो कर्मचाऱ्यांना दाखवला बाहेरचा रस्ता
Follow us
| Updated on: Sep 14, 2023 | 2:22 PM

नवी दिल्ली | 14 सप्टेंबर 2023 : जगातील सर्वात मोठी टेक कंपनी गुगलने (Google) पुन्हा एकदा नोकर कपातीचा निर्णय घेतला आहे. जानेवारी महिन्यात गुगलने 6 टक्के कर्मचाऱ्यांना बाहेरचा रस्ता दाखवला होता. गुगलची पॅरेंट कंपनी अल्फाबेटने (Alphabet) कर्मचारी कपातीचा एजेंडा निवडला आहे. यावर्षी जानेवारी महिन्यानंतर गुगलने नोकर कपातीला ब्रेक दिला होता. अल्फाबेटने काही दिवसांपासून भरती प्रक्रिया रोडावली होती. मीडिया रिपोर्टनुसार, कंपनीने अनेक कर्मचाऱ्यांना बाहेरचा रस्ता दाखवला. पण ही कपात व्यापक स्वरुपातील नसल्याचे कंपनीचे म्हणणे आहे. कंपनीत भरती प्रक्रिया राबविणारा विभाग आहे. या विभागातच गुगलने कपातीचा (Google Layoffs) निर्णय घेतला. तर या विभागातील काही पदे कायम ठेवण्यात येणार आहे. या कपात सत्रामुळे गुगल गेल्या तीन महिन्यात अशी करणारी जगातील पहिली टेक कंपनी ठरली आहे. यापूर्वी फेसबुक, मायक्रोसॉफ्ट आणि एमेझॉन सारख्या मोठ्या कंपन्यांनी 2023 मध्ये मोठ्या प्रमाणात कपात केली होती.

12 हजार जणांना बाहेरचा रस्ता

अल्फाबेटने यापूर्वी जानेवारी महिन्यात हजारो कर्मचाऱ्यांना बाहरेचा रस्ता दाखवला होता. आकड्यानुसार, कंपनीने 12,000 कर्मचाऱ्यांना कमी केले होते. त्यामुळे कंपनीचे एकूण मनुष्यबळ 6 टक्के कमी झाले. कंपनीकडे 30 जून रोजीपर्यंत 1,81,798 कर्मचारी होते. कर्मचारी फर्म चॅलेंजर, ग्रे अँड ख्रिसमसच्या एका अहवालानुसार, अमेरिकेत नोकर कपातीचे सत्र सुरु आहे. जुलै ते ऑगस्ट महिन्यात अनेक पटीत कर्मचारी कपात झाली होती. तर गेल्यावर्षी यामध्ये सर्वाधिक वाढ म्हणजे चार पट नोकर कपात झाली होती. अर्थतज्ज्ञानुसार, 8 सप्टेंबरपर्यंत संपलेल्या आठवड्यात बेरोजगारीत जवळपास 9 टक्के वाढ झाली आहे. गेल्या सात दिवसात हा आकडा 13,000 कमी होऊन 2,16,000 वर पोहचला.

हे सुद्धा वाचा

पिचईवर टीकास्त्र

नोकर कपातीनंतर सध्याच्या आणि माजी कर्मचाऱ्यांनी गुगलवर तोंडसूख घेतले. त्यांनी सुंदर पिचाई यांच्या नेतृत्वावरच प्रश्नचिन्ह निर्माण केले. कर्मचाऱ्यांच्या म्हणण्यानुसार, त्यांना रात्रीतूनच कंपनीच्या बाहेरचा रस्ता दाखवला जात आहे. जानेवारी महिन्यानंतर आता मोठ्या प्रमाणात कर्मचारी कपात करण्यात आली आहे. पण यामुळे कर्मचारी नाराज झाले आहेत. त्यांच्या मते, भरती प्रक्रिया राबवितानाच अति प्रमाणात भरती करणे योग्य नाही. कर्मचाऱ्यांना तडकाफडकी कामावरुन कमी करणे योग्य नसल्याचे त्यांचे म्हणणे आहे.

गुगलचा AI वर वाढला भरवसा

प्रतिस्पर्ध्यांना नामोहरम करण्यासाठी गुगलने AI चा रस्ता धरला आहे. अनेक उत्पादने कंपनीने अद्ययावत केली आहे. कंपनीने एक चॅटबॉट बोर्ड समोर आणला आहे. नवीन प्रकारचे एआय विकसीत करणे आणि ते सुरु ठेवणे सर्वात अवघड आहे. तर गुंतवणूकदारांना त्यांचा परतावा, नुकसान भरपाई देण्याचे आश्वासन देण्यात आले आहे.

खोक्याला बावी गावात आणलं; घटनास्थळावर कसून चौकशी सुरू
खोक्याला बावी गावात आणलं; घटनास्थळावर कसून चौकशी सुरू.
आता घरकुलांना पाच ब्रास मोफत वाळू मिळणार; बावनकुळेंनी दिली माहिती
आता घरकुलांना पाच ब्रास मोफत वाळू मिळणार; बावनकुळेंनी दिली माहिती.
करुणा शर्मा खोक्याला कसं ओळखता? सांगितली 'ती' घटना
करुणा शर्मा खोक्याला कसं ओळखता? सांगितली 'ती' घटना.
राणेंचे जुने व्हिडिओ काढा, हलालचं मटण खाताना दिसतील; वडेट्टीवारा टोला
राणेंचे जुने व्हिडिओ काढा, हलालचं मटण खाताना दिसतील; वडेट्टीवारा टोला.
माझी सही सोप्पी आहे, कोणीही करतं; आशिष विशाळ प्रकरणात धसांच स्पष्टीकरण
माझी सही सोप्पी आहे, कोणीही करतं; आशिष विशाळ प्रकरणात धसांच स्पष्टीकरण.
निवडणुकीत मतं विकत घेण्यासाठी 1500चं दुकान लावलं; राऊतां टोला
निवडणुकीत मतं विकत घेण्यासाठी 1500चं दुकान लावलं; राऊतां टोला.
काय विचारावं याचं तारतम्य तर ठेवा; शरद पवार चिडले
काय विचारावं याचं तारतम्य तर ठेवा; शरद पवार चिडले.
जयंत पाटील मुरलेले नेते आहेत, त्यांचा अंदाज लावणं कठीण - एकनाथ शिंदे
जयंत पाटील मुरलेले नेते आहेत, त्यांचा अंदाज लावणं कठीण - एकनाथ शिंदे.
'राज ठाकरे भांग पिऊन बोलतात', माजी मंत्र्यांची टीका, मनसेकडूनही पलटवार
'राज ठाकरे भांग पिऊन बोलतात', माजी मंत्र्यांची टीका, मनसेकडूनही पलटवार.
संतोष देशमुखांसाठी गाव एकवटलं, मस्साजोगच्या ग्रामस्थांचा मोठा निर्णय
संतोष देशमुखांसाठी गाव एकवटलं, मस्साजोगच्या ग्रामस्थांचा मोठा निर्णय.