Bitcoin | 6 पैशांच्या बिटकॉईनची हनुमान उडी! गुंतवणूकदारांची छप्परफाड कमाई

Bitcoin Crypto Currency | बिटकॉईन गुंतवणूकदारांना अनेक वर्षांच्या प्रतिक्षेनंतर मोठे फळ मिळाले आहे. त्यांची रिकामी झोळी आता ओसंडून वाहत आहे. सध्या एका बिटकॉईनचा भाव 72800 डॉलरच्या घरात पोहचला आहे. कधी 6 पैशांना मिळणारा बिटकॉईन या 15 वर्षांत रॉकेटपेक्षाही अधिक झेपावला आहे.

Bitcoin चा वेलू गगनावरीImage Credit source: गुगल

KALYAN DESHMUKH | Updated on: Mar 14, 2024 | 9:17 AM

नवी दिल्ली | 14 March 2024 : जगातील सर्वात लोकप्रिय क्रिप्टो करन्सी बिटकॉईनने इतिहास घडवला आहे. प्रत्येक वेळी नवीन इतिहास लिहिल्या जात आहे. याच तीन महिन्यात नवनवीन रेकॉर्ड बिटकॉईनने नावे जमा केले आहेत. बिटकॉईन पुन्हा एकदा चर्चेत आले आहे. 5 मार्च रोजी रात्री बिटकॉईने 28 महिन्यांचा रेकॉर्ड मोडत 69 हजार डॉलरचा टप्पा ओलांडला होता. तर गेल्या आठवड्यात 9 मार्च रोजी बिटकॉईनने 70 हजार डॉलरची उंची गाठली. आता हे आभासी चलन 72800 डॉलरच्या घरात पोहचले आहे. येत्या काही महिन्यात बिटकॉईन 75,000 डॉलरचा पल्ला गाठण्याचा अंदाज तज्ज्ञांनी व्यक्त केला.

त्याचा वेलू गगनावरी

2009 साली ज्यावेळी बिटकॉईनची सुरुवात झाली. त्यावेळी त्याची किंमत अवघी 0.060 रुपये होती. म्हणजे 6 पैसे होती. सातोशी नाकामोटो याने 2009 मध्ये बिटकॉईन या नावाने हे क्रिप्टो चलन तयार केले होते. आता या 15 वर्षांत बिटकॉईनने मोठा पल्ला गाठला आहे. आज बिटकॉईनची किंमत जवळपास 72 हजार 800 डॉलरच्या पार गेल्या आहेत. भारतीय चलनात ही किंमत 60,28,145 रुपये आहे. म्हणजे एक बिटकॉईन खरेदीसाठी 60 लाख खर्च करावे लागतील.

हे सुद्धा वाचा

मार्केट कॅप उंचावले

डिसेंबर 2021 नंतर बिटकॉईन 63,725 डॉलरपेक्षा तो पुढे गेला. बिटकॉईन या वर्षाच्या सुरुवातीला 3 जानेवारी 2024 रोजी किंमत 45 हजार डॉलरवर होते. येत्या काही महिन्यात बिटकॉईन 75,000 डॉलरचा टप्पा ओलांडण्याची शक्यता वर्तविण्यात येत आहे. सध्या बिटकॉईनचे बाजारातील मूल्य हे 1.25 ट्रिलियन डॉलर आणि एकुण क्रिप्टो मार्केट कॅपिटलायझेशन 2.38 ट्रिलियन डॉलर इतके झाले आहे.

असा उंचावला आलेख