7th Pay Commission DA | महागाई प्रचंड वाढली, पण भत्ता काही वाढेना, कधी येणार कर्मचाऱ्यांची प्रतिक्षा फळाला?
7th Pay Commission DA Hike | या वर्षी मार्च महिन्यांत महागाई भत्त्यात कर्मचाऱ्यांना तीन टक्क्यांचा फायदा मिळाला होता. पण आता सहा महिने होत आले तरी महागाई भत्त्यासाठी कर्मचारी वेटिंग वर आहेत.
7th Pay Commission DA Hike | देशभरातील केंद्रीय कर्मचारी (Central Employees) वेतनवृद्धीच्या प्रतिक्षेत आहेत. अनेक राज्य सरकारांनी कर्मचाऱ्यांना महागाई भत्ता (DA Hike) देऊन खूष केले आहे. काही राज्यांनी (State Government) घोषणा केल्याप्रमाणे पुढील महिन्यांत त्यांच्या पगारात डीएची रक्कम जमा होणार आहे. आता केंद्रीय कर्मचारी ही त्यांचा डीए वाढीच्या प्रतिक्षेत आहे. मार्च 2022 मध्ये महागाई भत्ता देण्यात आला होता. आता या गोष्टीला सहा महिने होत आले आहेत. तरीही सरकारने डीए वाढीचा निर्णय अजेंड्यावर घेतलेला नाही. त्यातच पुन्हा या महिन्याच्या शेवटी (August Month End)सरकार महागाई भत्ता देईल असा अंदाज वर्तवण्यात येत आहे. जर हा अंदाज चुकला तर सप्टेंबर महिन्याच्या पहिल्या आठवड्यात डीए मिळण्याची शक्यता आहे. पण सरकारने डीए देण्याविषयी कुठलेही अधिकृत वक्तव्य केलेले नाही.
मार्च महिन्यात डीएमध्ये वाढ
केंद्र सरकारने 8 व्या वेतन आयोगासंबंधीच्या सर्व चर्चा या अफवा असल्याचे स्पष्ट केले आहे. महागाई भत्ता हा वेतनाचा एक भाग असतो. सरकार यामध्ये दर सहा महिन्याला बदल करते. गेल्या वेळी मार्च 2022 मध्ये महागाई भत्ता देण्यात आला होता. त्यावेळी कर्मचाऱ्यांना सरकारने 3 टक्के वाढ दिली होती. त्यामुळे कर्मचाऱ्यांचा महागाई भत्ता 31 टक्क्यांहून 34 टक्के झाला होता. भारतीय ग्राहक किंमत निर्देशांकाच्या (AICPI) आधारे कर्मचाऱ्यांचा डीए ठरवण्यात येतो.
महागाईत घसरण
महागाई दराआधारे डीए ठरवण्यात येतो. जुलै महिन्यात महागाई दरामध्ये घसरण दिसून आली. रिझर्व्ह बँक ऑफ इंडियाने निर्धारीत केलेल्या लक्ष्यापेक्षा महागाई दर अजूनही जास्तच आहे. त्यामुळे कर्मचाऱ्यांना आशा आहे की, सरकार लवकरच डीए मध्ये वाढ करण्याचा निर्णय लवकर घेईल.
जुलै महिन्यात किरकोळ महागाई दर 6.71 टक्क्यांवर पोहचला होता. जून महिन्यांत महागाई दर 7.01 टक्के होता. आकडेवारी पाहता सरकार डीए मध्ये 4 टक्के वाढ करण्याचा निर्णय घेऊ शकते. महागाई दर 7 टक्के असताना सरकार महागाई भत्त्यात 5 टक्के वाढ करेल असा अंदाज बांधण्यात येत होता. आता सरकारच्या प्रत्यक्ष निर्णयानंतरच हे आकडे स्पष्ट होतील.
पगारात किती वाढतील आकडे
हा एक अंदाज आहे. त्यानुसार जर कर्मचाऱ्याची बेसिक पगार जर 18,000 रुपेय असेल तर 34 टक्के महागाई भत्त्यानुसार 6,120 रुपये मिळतील. जर महागाई भत्त्यात 4 टक्क्यांची वाढ होईल असा अंदाज बांधला तर डीए 38 टक्के होईल. अशावेळी कर्मचाऱ्यांना 6,840 रुपये महागाई भत्ता मिळू शकतो.
