जूनअखेर ‘ही’ महत्त्वाची काम तातडीने निपटा, अन्यथा मोठं नुकसान निश्चित
जून महिना सुरु होऊन दहा दिवस उलटले आहेत. जून महिन्याची 30 तारीख ही अनेक महत्त्वाची कामं पूर्ण करण्याची शेवटची तारीख आहे. (Do These Some Important Work before 30 June 2021)
मुंबई : जून महिना सुरु होऊन दहा दिवस उलटले आहेत. जून महिन्याची 30 तारीख ही अनेक महत्त्वाची कामं पूर्ण करण्याची शेवटची तारीख आहे. या महिना अखेरपर्यंत तुम्हाला पॅन-आधार लिंक करणे, आयएफएससी कोड बदलणे आणि चेकबुक बदलणे यासारख्या अनेक गोष्टी करणे अनिवार्य असणार आहे. (Do These Some Important Work before 30 June 2021 deadline for Update Services)
यासोबतच अनेक बँकांनी फिक्स्ड डिपॉझिटवर जास्त व्याजदर देण्याची घोषणा केली आहे. ही ऑफर केवळ 30 जूनपर्यंत वैध असणार आहे. त्यामुळे जर तुम्ही या महिनाअखेरपर्यंत ही ठराविक काम न केल्यास तुम्हाला नुकसान होऊ शकते. येत्या जून अखेरपर्यंत तुम्हाला कोणती काम करायची याची आम्ही तुम्हाला माहिती देणार आहोत.
IFSC कोड अपडेट करणं बंधनकारक
येत्या 1 जुलै 2021 पासून सिंडिकेट बँकेचा आयएफएससी कोड (IFSC Code) बंद करण्यात येणार आहे. त्यामुळे सिंडिकेट बँकेच्या ग्राहकांनी येत्या 30 जूनपर्यंत बँकेच्या शाखेत जाऊन IFSC कोड अपडेट करावा, असे आदेश कॅनरा बँकेने दिले आहेत.
काही महिन्यांपूर्वी कॅनरा बँकेचं सिंडिकेट बँकेत विलीनीकरण करण्यात आले. यानंतर सिंडिकेट बँकेने केलेल्या ट्वीटनुसार, SYNB पासून सुरु होणारे eSyndicate IFSC कोड बदलण्यात आले आहेत. SYNB ने सुरु होणारे सर्व IFSC W.E.F 01.07.2021 पासून बंद करण्यात येतील. त्यामुळे सिंडिकेट बँकेतील ग्राहकांना नवीन IFSC कोड अपडेट करावा लागणार आहे.
आधार आणि पॅन कार्ड लिंक करणे बंधनकारक
लोकांच्या आर्थिक व्यवहारांचा मागोवा घेण्यासाठी सरकारने आधार आणि पॅन कार्ड (PAN) जोडणे बंधनकारक केले आहे. कोरोनामुळे आधार आणि पॅनकार्ड लिंक करण्याची तारीख सातत्याने वाढवण्यात आली होती. त्यानुसार येत्या 30 जून 2021पर्यंत आधार आणि पॅन कार्ड जोडणे बंधनकारक असणार आहे. जर तुम्ही आधारकार्ड पॅनशी जोडलं नसेल तर त्याला 1000 रुपये दंड होऊ शकतो. तसेच तुमचे पॅनकार्ड बंद होऊ शकते.
30 जूनपर्यंत या बँकांच्या एफडीवर जास्त व्याज
SBI, HDFC बँक, ICICI बँक आणि बँक ऑफ बड़ोदा या बँकांनी ज्येष्ठ नागरिकांसाठी विशेष एफडी (FD) योजना सुरू केली. या विशेष योजनेची मुदत 30 जून 2021 रोजी संपत आहे. या योजनांमध्ये ज्येष्ठ नागरिकांना सर्वसामान्यांपेक्षा जास्त व्याज मिळते.
तुमच्याकडे दोन रुपयांचं नाणं आहे का? मग तुम्हीही होऊ शकता लखपती, जाणून घ्या कसे?https://t.co/BJowzeu266 #OldCoin #Business #millions
— TV9 Marathi (@TV9Marathi) June 10, 2021
(Do These Some Important Work before 30 June 2021 deadline for Update Services)
संबंधित बातम्या :
तुमच्याकडे दोन रुपयांचं नाणं आहे का? मग तुम्हीही होऊ शकता लखपती, जाणून घ्या कसे?
या महिन्यात 1 कोटी LPG Gas Connection चं मोफत वितरण! योजनेचा लाभ घेण्यासाठी ‘हे’ करा