Gold Silver Rate Today | सोने वधारले, चांदी घसरली; काय किंमतीतील अपडेट

नवी दिल्ली | 25 January 2024 : या जानेवारी महिन्यात सोने-चांदीत नरमाईने ग्राहकांना दिलासा दिला. नवीन वर्षाच्या सुरुवातीलाच सोने-चांदीतील ही घसरण ग्राहकांच्या पथ्यावर पडली. या जानेवारी महिन्यात सोने 2150 रुपयांनी तर चांदी 4400 रुपयांनी स्वस्त झाली. तर या महिन्याभरात 6 ते 7 दिवस सोने-चांदीचा भाव वधारला. आताही सोन्याने घसरणीला ब्रेक लावला तर चांदीत नरमाईचे सत्र आहे. बजेटपूर्वी सोने-चांदीत दरवाढ होते की त्यात अजून घसरण होते, हे या आठवड्यात समजेल. काय आहे सोने-चांदीच्या किंमतीतील अपडेट (Gold Silver Price Today 25 January 2024)

काय आहे सोन्याचा भाव

जानेवारी महिन्यात सोन्याच्या किंमतींनी मोठा दिलासा दिला. प्रत्येक आठवड्यात सोन्यात घसरण झाली. तर काही दिवस सोन्याच्या किंमती वधारल्या. या महिन्यात सोने 2150 रुपयांनी उतरले. गेल्या आठवड्यात शुक्रवारी, 19 जानेवारी 330 रुपयांनी तर 20 जानेवारी रोजी 100 रुपयांची वाढ झाली होती. तर या सोमवारपासून किंमतीत मोठा बदल दिसला नाही. 24 जानेवारी रोजी 50 रुपयांची घसण झाली. गुडरिटर्न्सनुसार, आता 22 कॅरेट सोने 57,900 रुपये प्रति 10 ग्रॅम तर 24 कॅरेट सोन्याचा भाव 63,150 रुपये प्रति 10 ग्रॅम आहे.

हे सुद्धा वाचा

Edible Oil | कमी होणार किचन बजेटवरचा ताण; खाद्यतेल होणार स्वस्त

Budget 2024 | हे Share सूसाट धावणार! Budget मध्ये उघडणार रेल्वेसाठी खजिना

Supriya Sule | सत्याचाच विजय होईल… आत्या गहिवरली; सुप्रिया सुळे आणखी काय म्हणाल्या?

Sanjay Raut | ईडी म्हणजे भाजपची शाखा, संजय राऊत यांचा घणाघात

चांदी भाव काय

चांदीने ग्राहकांची चांदी केली. या महिन्याच्या सुरुवातीला चांदीत 3100 रुपयांची घसरण झाली होती. त्यानंतर मध्यंतरी चांदी 1400 रुपयांनी महागली. 19 जानेवारीला चांदी 200 रुपयांनी वधारली. 20 जानेवारी रोजी तितकीच घसरण झाली. त्यानंतर भाव जैसे थे होते. 23 जानेवारी रोजी किंमतीत 500 रुपयांची घसरण आली. तर 24 जानेवारी रोजी किंमतीत 300 रुपयांची वाढ झाली. गुडरिटर्न्सनुसार, एक किलो चांदीचा भाव 75,300 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने-चांदीच्या दरात वाढ झाली. 24 कॅरेट सोने 62,591 रुपये, 23 कॅरेट 62,340 रुपये, 22 कॅरेट सोने 57,333 रुपये झाले. 18 कॅरेट 46,943 रुपये, 14 कॅरेट सोने 36,616 रुपये प्रति 10 ग्रॅमवर पोहचले. एक किलो चांदीचा भाव 71,072 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

BIS Care APP

सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते समोर येईल.