Gold Silver Rate Today : सोने चमकले, चांदी पडली फिक्की, भाव तरी काय

नवी दिल्ली | 3 सप्टेंबर 2023 : जागतिक घडामोडी सोने आणि चांदीसाठी सध्या अनुकूल आहे. ऑगस्ट महिन्याच्या शेवटच्या दहा दिवसांत सोने-चांदीने चांगली वधारली आहे. त्यापूर्वी दोन्ही धातूंना मोठी उसळी घेता आली नाही. दरवाढीला सातत्याने ब्रेक लागला. 21 ऑगस्टपासून दोन्ही धातूंनी चढाई सुरु केली. ऑगस्टच्या शेवटच्या टप्प्यात सोने 800 रुपयांनी वधारले तर चांदी जवळपास 4000 रुपयांनी वाढली. सप्टेंबर महिन्यात गेल्या दोन दिवसांत सोने-चांदीचे तळ्यातमळ्यात सुरु आहे. पहिल्या दिवशी दोन्ही धातूंमध्ये किंचित घसरण आली तर दुसऱ्या दिवशी सोने वधारले तर चांदीत मोठी घसरण दिसून आली. आता सप्टेंबर महिन्यात सोने-चांदी (Gold-Silver Price Today 3 September 2023) किती मुसंडी मारते हे स्पष्ट होईल. दोन्ही धातूंना अद्याप पण फेब्रुवारी आणि एप्रिल महिन्यासारखा रेकॉर्ड करता आला नाही, हे मात्र खरे आहे.

किती वधारल्या किंमती

गुडरिटर्न्सनुसार, 29 ऑगस्ट रोजी 250 रुपयांची दरवाढ झाली. 30 ऑगस्ट रोजी सोन्यात 300 रुपयांची वाढ झाली. 31 ऑगस्ट रोजी 160 रुपयांनी किंमती वधारल्या. 1 सप्टेंबरला भाव घसरले. तर 2 सप्टेंबरला 150 रुपयांची वाढ झाली. 22 कॅरेट सोने 55,350 रुपये प्रति 10 ग्रॅम तर 24 कॅरेट सोन्याचा भाव 60,370 रुपये प्रति 10 ग्रॅम असा होता.

हे सुद्धा वाचा

IT Refund : नाही आला ITR Refund? करदाते हैराण, ही तर कारणं नाहीत

RBI Inflation : आरबीआयकडून गुडन्यूज! आता येणार स्वस्ताई, महागाईचा तोरा उतरणार

New Generation : कॉर्पोरेट घराण्यांमध्ये नवीन पिढीचा उदय! नवीन मालक घेणार जबाबदारी

Hotel Rent : मुंबईत या हॉटेलमध्ये थांबले होते विरोधक, तिथले एक दिवसाचे भाडे तरी किती?

चांदीत घसरण

या महिन्यात चांदीला कमाल करता आली नाही. चांदीत किलोमागे 700 रुपयांची घसरण झाली. 1 सप्टेंबर रोजी चांदीत 500 रुपयांची तर 2 सप्टेंबर रोजी चांदीत 200 रुपयांची घसरण झाली. ऑगस्ट महिन्यात 16 ऑगस्टनंतर चांदीने मोठी भरारी घेतली होती. चांदीत जवळपास 4000 रुपयांची वाढ नोंदविण्यात आली होती.. गुडरिटर्न्सनुसार, एक किलो चांदीचा भाव 76,900 रुपये आहे.

14 ते 24 कॅरेट सोन्याचा भाव

24 कॅरेट सोने 59,489 रुपये, 23 कॅरेट 59,251 रुपये, 22 कॅरेट सोने 54,492 रुपये, 18 कॅरेट 44617 रुपये, 14 कॅरेट सोने 34,801 रुपये प्रति 10 ग्रॅमवर पोहचले. चांदीचा भाव 74,838 रुपये होता. इंडियन बुलियन्स अँड ज्वेलर्स असोसिएशनने हा भाव जाहीर केला आहे. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

BIS Care APP

सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते समोर येईल.