Gold Silver Rate Today 30 May 2024 : तीन दिवसांत चांदी 6,000 रुपयांनी तर सोन्यात झाली इतकी दरवाढ, भाव तरी काय

सोने आणि चांदीने गेल्या आठवड्यातील स्वस्ताईची कसर या आठवड्याच्या सुरुवातीलाच भरुन काढली. सुरुवातीच्या तीन दिवसांतच चांदीने मोठी झेप घेतली. सोने पण महागाईवर स्वार झाले. चांदी या तीन दिवसांत 6000 रुपयांहून अधिकने वधारली. तर सोन्याने पण तीन दिवसांत मोठा पल्ला गाठला. चांदी किलोमागे लाखाच्या घरात जाण्याची दाट शक्यता आहे. तर सोने पण 75,000 हजारांचा टप्पा ओलांडून नवीन उच्चांक करण्याचा अंदाज या क्षेत्रातील तज्ज्ञ संस्था व्यक्त करत आहेत. सध्या बेशकिंमती धातूची अशी आहे किंमत (Gold Silver Price Today 30 May 2024 )

सोने झाले महाग

गेल्या आठवड्यात सोन्यात 2700 रुपयांची पडझड झाली होती. या आठवड्यात ही कसर भरुन काढण्यासाठी सोन्याची घौडदौड सुरु आहे. 27 मे रोजी सोने 270 रुपयांनी वधारले. 28 मे रोजी 220 रुपयांची भर पडली. तर 29 मे रोजी 270 रुपयांनी किंमतीत वाढ झाली. गुडरिटर्न्सनुसार, आता 22 कॅरेट सोने 67,250 रुपये प्रति 10 ग्रॅम तर 24 कॅरेट सोन्याचा भाव 73,350 रुपये प्रति 10 ग्रॅम आहे.

हे सुद्धा वाचा

Anjali Damania : ‘त्यांनी असले फालतू डायलॉग त्यांच्या खिशात ठेवावे’, अंजली दामानिया संतापल्या, दिला असा इशारा

‘किटली’ साठी शेतकऱ्याने मोजले 21 लाख; वाजत-गाजत केले स्वागत, पाहायला लोटली पंचक्रोशी

Bank Holidays : जूनमध्ये सुट्यांचा मुक्काम; या दिवशी बँकांना राहिल ताळे

महाराष्ट्रात किती जागा कुणाच्या पारड्यात? अजित पवारांविषयीच्या दाव्याने एकच खळबळ, काय आहे या ज्योतिषाचं भाकित

चांदीचा षटकार

गेल्या आठवड्यात चांदी 6 हजाराने स्वस्त झाली होती. या तीन दिवसांत ही कसर भरुन काढण्यात आली. 27 मे रोजी चांदीत 1500 रुपयांची वाढ झाली. 28 मे रोजी चांदीने 3500 रुपयांची मुसंडी मारली. तर 29 मे रोजी किंमतीत 1200 रुपयांची वाढ झाली. गुडरिटर्न्सनुसार, एक किलो चांदीचा भाव 97,700 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोन्यासह चांदीचा भाव वधारला. 24 कॅरेट सोने 72,413 रुपये, 23 कॅरेट 72,123 रुपये, 22 कॅरेट सोने 66,330 रुपये झाले. 18 कॅरेट 54,310 रुपये, 14 कॅरेट सोने 42,362 रुपये प्रति 10 ग्रॅमवर पोहचले. एक किलो चांदीचा भाव 94,118 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.