Gold Silver Rate Today 5 January 2025 : सोने-चांदीने घेतली ग्राहकांची विकेट, दणादण वाढला भाव, बाजारात खिसा कापल्या जाणार

सरत्या वर्षातील अखेरच्या टप्प्यात सोने-चांदीचे स्वस्ताईचे गिफ्ट फार काळ टिकले नाही. नवीन वर्षाची सुरूवात होतच दोन्ही धातुनी रॉकेट भरारी घेतली. सरत्या वर्षाच्या अखेरीस दोन्ही धातुत मोठी पडझड झाल्याने हाच ट्रेंड कायम राहण्याची शक्यता होती. पण 2025 च्या सुरुवातीलाच दोन्ही धातुनी ग्राहकांचा खिसा कापला. तीनच दिवसात सोने 1600 रुपयांनी तर चांदी 2000 रुपयांनी महागली. महागाईने सराफा बाजारात ग्राहकांचा खिसा कापला. हाच ट्रेंड कायम राहिल्यास सोने या वर्षाच्या अखेरीस 90 हजारी सलामी देईल. तर चांदी 1 लाख 10 हजारांच्या घरात पोहचले असा तज्ज्ञांचा अंदाज आहे. मौल्यवान धातुची आता असा आहे भाव (Gold Silver Price Today 5 January 2025 )

सोन्याची रॉकेट भरारी

सरत्या वर्षाच्या अखेरीस सोने 31 डिसेंबर रोजी 440 रुपयांनी सोने स्वस्त झाले होते. तर नवीन वर्षात 1 जानेवारी रोजी 440 रुपयांनी, 2 जानेवारीला 330 रूपयांनी तर 3 जानेवारी रोजी 870 अशी एकूण 1600 रुपयांची रॉकेट भरारी सोन्याने घेतली. गुडरिटर्न्सनुसार, आता 22 कॅरेट सोने 72,750 रुपये प्रति 10 ग्रॅम तर 24 कॅरेट सोन्याचा भाव 79,350 रुपये प्रति 10 ग्रॅम आहे.

हे सुद्धा वाचा

Penny Stock : अवघ्या 2 रुपयांचा शेअर; पण खरेदीसाठी एकच झुंबड, गुंतवणूकदार काही मागे हटेनात

कुठे मिळाला होता कोहिनूर हिरा? जाणून घ्या कोहिनूर हिऱ्याचा इतिहास

नववर्षानिमित्त सर्वाधिक मद्य विक्री करणारे ठरले हे टॉप राज्य, दिल्ली तिसऱ्या क्रमांकावर

Edible Oil : ऐन थंडीत खाद्यतेलाचे भाव कडाडले; किलोमागे 25 रुपयांची वाढ, ग्राहकांवर संक्रांत

चांदी 2,000 रुपयांनी महागली

मागील आठवड्यात चांदी 1,100 हजार रुपयांनी वधारली होती.31 डिसेंबर रोजी चांदी 1900 रुपयांनी स्वस्त झाली होती. 1 आणि 2 जानेवारी 2025 रोजी किंमतीत बदल दिसला नाही. 3 जानेवारी रोजी चांदी 2 हजारांनी उसळली. गुडरिटर्न्सनुसार, एक किलो चांदीचा भाव 92,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 77,504, 23 कॅरेट 77,194, 22 कॅरेट सोने 70,994 रुपयांवर आहे. 18 कॅरेट आता 58,128 रुपये, 14 कॅरेट सोने 45,340 रुपये प्रति 10 ग्रॅमवर आहे. एक किलो चांदीचा भाव 88,121 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.