Gold Silver Rate Today 7 January 2025 : नवीन वर्षात चला खरेदीला; सोने-चांदीत स्वस्ताई, आता काय किंमती?
Gold Silver Rate Today 7 January 2025 : नवीन वर्षात सोने-चांदीने सुरुवातीला महागाईचा कहर केल्यानंतर दुसर्‍या आठवड्याच्या सुरुवातीला दिलासा दिला. सोमवारी ग्राहकांचा खिसा कापल्या गेला नाही. आता काय आहेत किंमती?
नवीन वर्षाच्या सुरुवातीला सोने आणि चांदीने कहर केला. दोन्ही धातुंनी महागाईचा गिअर टाकला. सोन्याने 1600 रुपयांची तर चांदीने किलोमागे 2 हजारांची झेप घेतली. या रॉकेट भरारीने ग्राहकांचा खिसा कापल्या गेला. या वर्षाच्या अखेरीस 90 हजारी सलामी देईल. तर चांदी 1 लाख 10 हजारांच्या घरात पोहचेल, असा तज्ज्ञांचा अंदाज आहे. तर दुसर्‍या आठवड्याच्या सुरुवातीला मौल्यवान धातुच्या किंमतीत उसळी दिसली नाही. आता काय आहेत बेशकिंमती धातुचा दर? (Gold Silver Price Today 7 January 2025 )
रॉकेट भरारीनंतर सोन्यात शांतता
गेल्या आठवड्यात सोन्याने ग्राहकांना घाम फोडला. सोन्याने 1600 रुपयांची रॉकेट भरारी घेतली. त्यानंतर सोने अजून मोठी झेप घेण्याची शक्यता वर्तवण्यात येत आहे. तर सोमवारी किंमतीत कोणताच बदल दिसला नाही. गुडरिटर्न्सनुसार, आता 22 कॅरेट सोने 72,300 रुपये प्रति 10 ग्रॅम तर 24 कॅरेट सोन्याचा भाव 78,860 रुपये प्रति 10 ग्रॅम आहे.
चांदी 1 हजारांनी स्वस्त
चांदीत मागील 15 दिवसात मोठी उलथापालथ दिसली नाही. तर 3 जानेवारी रोजी चांदीने 2 हजारांनी उसळली घेतली. तर 4 जानेवारीला 1 हजारांनी किंमत उतरली. त्यानंतर दोन दिवसांत कोणताही बदल झाला नाही. गुडरिटर्न्सनुसार, एक किलो चांदीचा भाव 91,500 रुपये इतका आहे.
14 ते 24 कॅरेटचा भाव काय
आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 77,161, 23 कॅरेट 76,852, 22 कॅरेट सोने 70,680 रुपयांवर आहे. 18 कॅरेट आता 57,871 रुपये, 14 कॅरेट सोने 45,139 रुपये प्रति 10 ग्रॅमवर आहे. एक किलो चांदीचा भाव 89,152 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
घरबसल्या जाणून घ्या भाव
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.
